Йыр вылэ — нянь, нянь вылэ — вай

Ангелина Снигирева
By Ангелина Снигирева 14 января, 2021 13:40

Лымыен шобыртэм нюлэскын вашкала вӧськылъёслы тупась чирдон чузъяське, тылскемлэн тачыртэмез кыдёке кылӥське… Озьы удмурт гуртлэсь но калыклэсь вашкала кужымзэс сайкатыны выро этнофутуристъёс.

Этнофутуризмлы сӥзем симпозиумъёс Удмуртиын арлы быдэ толалтэ но гужем радъяськыло. Этнофутуристъёс ярато Вавож музъемез — кылем аре августэ татчы вуылӥзы, туэ выль арез та ёросысь Чудӟалуд гуртын мытӥзы. 10 нунал ӵоже суредасьёс пӧйшурасьлэн юртаз улӥзы, вӧсь интыосы вуылӥзы, гуртоосын пумиськылӥзы, перформансъёс ортчытъязы, творческой ӝытъёс радъяллязы.

Этнофутуризмлы сӥзем симпозиумъёс Удмуртиын арлы быдэ толалтэ но гужем радъяськыло. Этнофутуристъёс ярато Вавож музъемез — кылем аре августэ татчы вуылӥзы, туэ выль арез та ёросысь Чудӟалуд гуртын мытӥзы. 10 нунал ӵоже суредасьёс пӧйшурасьлэн юртаз улӥзы, вӧсь интыосы вуылӥзы, гуртоосын пумиськылӥзы, перформансъёс ортчытъязы, творческой ӝытъёс радъяллязы.

«Жон-Жон Чудӟа» симпозиумлэн нимыз Жон-Жон Сандыр (Александр Пушин) художниклэн но гуртлэн нимынызы герӟаськемын. Чудья, Чудӟа, Шудья, Чудна — удмуртъёслэн улон интыосазы ӵем пумиськылӥсь инты нимъёс. Этнофутуристъёс верамъя, котькуд гуртын вашкала культуралэн пытьыосыз кылемын — соосты искусство амалэн шедьтыны, улӟытыны луэ.

— Котькуд симпозиумлэн аслаз пуштросэз вань, — вера Жон-Жон Сандыр. — Туэ милям гуртоосты кылзэммы потӥз. Ӵем озьы луэ: палэнысь вуэм тодмотэм адямиослы асьмеос тросгес мадьыны дӥсьтӥськомы. Чудӟалудэ вуыса, ми соку ик синйылтӥм кыланы-бураны мыло-кыдо песянаез. Со ми дӥне кӧня ке пол вуылӥз, улон-вылонэз, гуртсылэн историез сярысь мадиз. Бӧрсяз мукет гуртоос но кыстӥськизы. Вераськемзэс но ми искусстволы пӧрмытыны тыршимы. Асьмеос нянь пыжыса, сукыриос вылэ кызьпу, кыз, пужым вайёсты мертчытылӥмы — озьы аспӧртэм шляпаос пӧрмизы. Адямиос, со шляпаосты изьыяса, камера азьын вераськылӥзы.

Гужем симпозиумъёс дыръя этнофутуристъёс арт-объектъёс бордын ужало, бӧрысь соос гуртэ артефактъёс кадь кылё. Толалтэ симпозиум дыръя видеоарт лэсьто, перформансъёссэс видеое пуктыса кельто. Тунсыкъясько художникъёс вашкала вӧсяськон интыосын но.

— Гуртоос уг ни тодо вашкала вӧсяськон интыосты. Огез воргорон тодаз вайиз, вӧсь инты сярысь кылылэмез вань шуыса. Отчы вуылыса, вӧсь ортчытӥмы. Милям со шудон кадь пӧрме ини. Но озьы ми та вӧсь интыосты выльысен улӟытыны быгатӥськом, — вера Жон-Жон Сандыр.

Симпозиумлэн пумаз Выль Бия гуртысь клубын шудӥз этнофутуристъёслэн «Фин-угор шаманской оркестрзы». Котьку сямен, этнофутуристъёс борды гуртоос итӥськизы — куноосын ӵош кырӟаз-вераз Выль Бияысь «Гербер» ансамбль. Со сяна, художникъёс гуртоослы лэсьтэм видеоартсэс возьматӥзы.

Туэ симпозиуме озьы ик пыриськизы Ижкарысь егит суредась Чудья Жени (Евгений Бикузин), Татарстанысь Набережные Челны карысь Дуэсо Ленар (Ленар Ахметов) но Коми-Пермяк округысь «АРТкад» огазеяськонлэн кивалтӥсез Вера Мехоношина. Нырысьсэ этнофутуристъёсын валче ужаз Ижысь видеограф Никита Сморкалов (солы Колтома Микта ним сётӥзы). 10 нунал ӵоже Н. Сморкалов видеокамераеныз ӧз люкиськылы. Этнофутуризмлы сӥзем документальной фильмез ӝоген дась луоз.

Анастасия ШУМИЛОВА

Ангелина Снигирева
By Ангелина Снигирева 14 января, 2021 13:40
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<