Гуртысь ужберга­тӥсьёслы ужзэс азинтыны 1 процентъем кредит висъяськоз.

Related Articles

• Ижын «Ералаш» возьматӥзы 0 01.Июн
• Куасэз но, конькиез но серметалоз 0 02.Ноя
• Ӧтчаське Алнаш 0 21.Июн

Элькунысьтымы Ужбергатонэз азинтонъя фонд 1 процентъем микрозайм висъяны кутскиз. Мугорез кыдатон, спорт, сиён-юон лэсьтон удысъёсысь ужбергатӥсьёслы я асьсэ вылэ ужасьёслы (самозанятойёслы) со юнманы бадӟым юрттэт луоз.

— Кредит висъяськоз гуртысь инфраструктураез кужмоятыны, — шуэ Правительстволэн Тӧроезлэн воштӥсез Константин Сунцов. — Кылсярысь, выль спорт объектъёс ӝутыны гинэ займ уз сётӥськы — ужасьёссэ тупатъян, выль услугаос кылдытон понна но. Кафеос пумысен тани куронъёс чурытэсь: выльзэ усьтонлы гинэ займ чакламын. Со одно ик быдэс семьяен шутэтскыны тупамон мед луоз.

Ужбергатӥсьёслы чакламын 100 сюрс манетысен 3 миллион манетозь займ, самозанятойёслы — 100-500 сюрс манет. Кредит сётӥськоз 2 арлы. Микрозайм басьтон пумысен тодыны луэ Удмуртиез азинтонъя корпорацилэн madeinudmurtia.ru сайтэз пыр.

Елена Сараматова