Писэй вуиз, ар ортчыса

Ангелина Снигирева
By Ангелина Снигирева 8 декабря, 2020 16:47
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Бегӟан Аркаш дотово нерад луиз айы писэеныз, соиз уго изъянтыны кутскиз, утыр ӝӧк вылэ вуэ. Ма, нылпиосыз эркиязы кадь. Вот и волялы дышиз. Ӟудэмез бере воргорон писэйзэ машинаяз пуктӥз но сьӧр гуртысь фермае нуиз. Оло, пе, визьмаськоз.

…Арлэсь трос ортчиз. Писэй сярысь тодын ӧвӧл ни. Нош огпол пунызы азбар тыр утыны кутскиз.

— Мын ай, Аркаш, куноос-а, мар-а вуизы, пуны куаныса утэ, — вазиз кузпалыз.

Аркаш агай «есть!» шуиз но кыре потӥз. Ма, нокин ӧвӧл, корка сэргын гинэ писэй шымырскемын, пунылэсь кышкам, лэся. Кузё берен корка пыриз: ӧвӧл, пе, нокин.

Нош пуны утэ но утэ! Валя нылзы ӧз ни чида — кыре потӥз. Гидкуазь шорын ик — айы писэйзы, арлэсь кема сьӧр гуртысь фермаын «куноямез» бере дораз бертэм. Кузпалъёс дотово паймизы — кызьы сюрес шедьтэм?

Со куспын Валязы великен ветстанцие ветлыса вуттӥз, ма, эмъятэк-чаклатэк кызьы писэйдэ корка лэзёд? Ог 6 иськемысь вуэм «кунозы», 2-3 нунал ортчыса, коркан выльысь кузё луиз ини. Ма кариз со сьӧр фермаын, ма сииз — уд тоды. Но доре сюрес шедьтэм — нокыӵе навигатортэк. Ар ӵоже визь но пырем кадь — ӝӧк вылысь сиёнэз ӧз ни изъянтылы.

Геннадий Парфёнов

Ангелина Снигирева
By Ангелина Снигирева 8 декабря, 2020 16:47