Мушъёс кадь

Ангелина Снигирева
By Ангелина Снигирева 18 декабря, 2020 14:45

Пермь улосысь Чайковский городысь удмуртъёсты быгатыса огазея «Зарни сӥзьыл» фольклор ансамбльлэн кивалтӥсез, «Удмурт Кенеш» огазеяськонлэн Чайковский городысь ёзэзлэн кивалтӥсез Людмила Филиппова.

«Зарни сӥзьыл» фольклор ансамбль

— Удмурт шаерен герӟаськем дано нуналъёсты одно ик пусйиськомы! Палэнэ ӧз кыльы Удмуртилэн кунлыкезлы 100 ар тырмон но: Чайковскийысь культура дворецамы радъямы «Культур причудливый узор» ужрадмес. Пандемиен йырин сое онлайн амалэн радъяно луиз. Кылдытэмын вал пӧртэм калык культураослы сӥзем интерактивной площадкаос. Соосты социальной сетьёс пыр возьматӥмы. Тӧр шорын удмуртъёс вал. Мадимы Удмурт шаерлэн историез, калык сямъёс сярысь. Озьы ик пӧртэм киужлы сӥзем мастер-классъёс ортчытӥмы. Та ужрад улсын зэмос премьера но ортчиз — мультлабораторие ветлӥсьёс возьматӥзы выль ужзэс — «Удмуртия — выжыкыл дунне» мульт-
фильмзэс. Со быдэсак кылдытэмын удмурт выжыкылъёс, калык веранъёс вылын.

Людмила Филиппова уно аръёс ӵоже кивалтэ ни Чайковскийысь культурая дворецын кылдытэм «Зарни сӥзьыл» ансамблен. Отчы ветло удмурт нылкышноос. Алигес «зарни сӥзьылъёс» пыриськизы Пермь улослэн губернаторезлэн кичӧлтэмезъя радъяськись конкурсэ — «Выль ар пӧртмаськонъёс» проектсы устоосыз пӧлы шедемын, солы грант висъямын.

Елена Тугашова

Ангелина Снигирева
By Ангелина Снигирева 18 декабря, 2020 14:45
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<