Глазов ёросысь егит спортменлы куасэн бызьылонъя дӥсь кузьмаз Максим Вылегжанин

Ангелина Снигирева
By Ангелина Снигирева 22 декабря, 2020 17:07
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Удмуртиын Выль ар азьын мытэмын «Льӧль малпанъёсын кыз» акция. Ӟеч ужрад ортче тросаз ёросъёсын.

Туспуктэм басьтэмын «Адам школлалэн ВКонтакте» ьбамысьтыз

Та проект шаерамы 2-тӥзэ радъяське. Туэ мылкыдъёссэс-малпанъёссэс гожтӥзы секыт югдуре сюрем, трос нылпиё семьяосысь быгатӥсь нылпиос, Быдӟым ожысь ветеранъёс. Соослэсь малпанъёссэ зэматыны басьтӥськизы вылӥ кивалтӥсьёс, депутатъёс. Кылем арняе шудогес луиз Глазов ёросысь Куреггуртысь Кирилл Жижин. Солы куасэн бызьылонъя дӥськут кузьмаз кужмо спортсмен Максим Вылегжанин.

Кирилл улэ песянаеныз но покчи братэныз ӵош. Глазов ёросысь Адам гуртысь спортивной школаын 9-тӥ классын дышетске. Нош спортэн со эшъяське 4-тӥ классысен. Огшоры школаысь юромо татчы 5-тӥ классэ лыктэм, куасэн бызьылыны дырзэ тросгес висъямез потыса. Кирилл арняяз 6 пол тренировкаосы пота, со нуналлы быдэ 2,5 час куас вылын, котькуд потэмезлы быдэ 25-30 иськем ортче. Мугорезлы шутэтскыны гужем но уг сёты – лыжероллерен ворттылэ, пыдын бызьылэ. Эшшо тунсыкъяськыны кутскиз на полиатлонэн – турникын ӝуткаське, шонер ыбылӥськыны дышетске.

— Ӟеч куасъёс школаын сёто, нош дӥськутэ пичи кылемын вал ини, — шуэ пияш. — Соин туж шумпотӥ выль костюмлы, уката ик сое кужмо спортсменлэн киысьтыз басьтэмелы.

Нялтас вераса, кузьым басьтэмез бере ӵуказеяз ик пияш соин ӵошатскыны потӥз ни. Глазов ёросын куасэн бызьылонъя вожвылъяськонын 2-тӥ инты утӥз. Али Кирилл бадӟым малпанэн улэ – март толэзе дышетскисьёс пӧлын куасэн бызьылонъя ортчоно ӵошатсконъёслы дасяське. Отын полиатлонъя спортъя мастере кандидатлэсь куронзэ быдэстыны малпа. Нош али солэн куасэн бызьылонъя 1-тӥ разрядэз вань, сое 7-тӥ классын дышетскыкуз быдэстӥз.

УД

Ангелина Снигирева
By Ангелина Снигирева 22 декабря, 2020 17:07
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<