Выль кужым дуре — калык пӧлы

Ангелина Снигирева
By Ангелина Снигирева 18 декабря, 2020 12:25
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

17-тӥ декабре Ижын ортчиз удмуртъёслэн 14-тӥ ӧтчамзы. Отчы вуизы «Удмурт Кенеш» огазеяськонлэн Удмуртиысь но мукет улосвылъёсысь азьветлӥсьёсыз. Пӧлазы тужгес но егитэз — 22 аресъем Александр Вахрушев.

Дэбесысь 22 аресъем А. Вахрушев быръемын удмуртъёслэн 14-тӥ ӧтчамазы делегатэ.
Туспуктӥз Светлана Тронина

Александр вордӥськиз Якшур-Бӧдья ёросын Сюровай гуртын. 2012-тӥ арын нырысьсэ «Шундыкар» лагере вуылӥз, отысен ик удмурт движенилы синмаськиз.

— Мон удмурт ук! — вера Александр. — Потэ, мукет егитъёс но удмурт луэменызы мед данъяськозы, кылмес, культурамес утёзы.

Дэбес политехникумын дышетскыкуз, котыраз бичаз удмурт студентъёсты. Соку ёросын «Шунды» огазеяськонлэн ёзэз вал ке но, Александр политехникумын нимаз ёзэт кылдытӥз. 2015-тӥ арысен ачиз ик соин кивалтӥз.

Етӥз пияшез дэбесъёс синйылтӥзы, политехникумез йылпумъямез бере кошкыны ӧз лэзе ни, аслаз но Александрлэн сюлмыз Дэбес борды бурмыны вуэм. Али со отысь егитъёслэн «Вертикаль» центразы ужа, 2018-тӥ арысен «Шундылэн» ёрос ёзэныз кивалтэ. Нош туэ сое «Удмурт Кенешлэн» Дэбес ёросысь ёзэзлэн исполкомаз пыртӥзы.

— Мынам котькуд муниципал кылдытэтамы «Шундылэсь» ячейкаоссэ усьтэме потэ, — вераз Александр. — Ӵемысь удмурт ужрадъёсмы Дэбесын ортчыло, отчы гуртъёсысь адямиос ичи ветло. Мон малпамъя, удмурт культураез, кылэз пичи дырысен ик пыӵатоно, соин ик школаын дышетскисьёс, егитъёс понна мар ке лэсьтэме потэ. Ёросмы удмурт — кыллы бырыны ӧвӧл сётоно.

Со сяна, Александр — волонтёр. Дэбесысь школьникъёс понна «Сюлмысь сюлме» огазеяськон кылдытӥз. Туэ паськыт вӧлмем «#МыВместе» акцие но пыриськиз. Пияш ӵош ужась эшъёсыныз гуртоослы сиён-юон нуллӥз. Мыло-кыдо ужамез понна сое синпель медален но пусйизы.

— Удмуртъёслэн бадӟым ӧтчамазы нырысьсэ пыриськисько, — шуиз Александр. — Выль тодон-валан басьтэме, удмурт движение мургес зымеме, улэмзэ, азинскемзэ валаме потэ. Малпасько, съездын выль кужым люкаса, берто, ужме азинто.

Мария Емельянова

Ангелина Снигирева
By Ангелина Снигирева 18 декабря, 2020 12:25 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<