Валяпай ӧте куное

Ангелина Снигирева
By Ангелина Снигирева 24 декабря, 2020 15:55
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Туж аспӧртэм но тунсыко ӵектонэн вазиськиз Пичи Пурга ёросысь лыдӟисьмы.

Гуртын улӥсь Валяпай шуэ: пельнянь кутыса пукисько но шуак йырам лыктӥз: кыӵе мон шудо адями, котьмаи вань: 4 нылпие, 7 внуке, юртэ, бакчае, аслам сиён-юонэ… Нош кинъёс ке празднике но огназы аналтэмын, дыр. Кинэн соос Выль арез пумиталозы, мар ӝӧк вылазы пуктозы? Озьы син азям пуктӥ но туж жаль потӥзы. Соин ик малпай соосты дорам куное ӧтьыны. Газетады ялан гожъяськоды ӟеч уж лэсьтӥсьёс, волонтёръёс сярысь, мынам но юрттэме потэ! Ивортэ вал, кин мӧзме, мон доры Выль ар пумитаны мед лыктозы.

— Нош нылпиосты мар шуозы, тодмотэм мурт куное лыктӥз ке? — паймиськом ми.

— Сиён-юон но, инты но ваньмызлы тырмоз, — шуэ шырыт сямо кышномурт. — Мынам ваньмыз аслам ук: йӧл но, творог но, бакча сиён но…

Вераськеммы бере соку ик тодэ лыктӥз: тынад но улонад праздникъёс котьку шулдыр ӧй вал. Яке пичи гуртын улӥсь анай-атаймы доры, сюрес ӧвӧл шуыса, Выль аре ӧм ик бертылэ. Нош одӥгез тодмое — палкышно — шуэ вал: праздникъёс чик медаз луэ вал! Зэмзэ но, кӧня асьме котырын сыӵе огназы кылемъёс. Нялтас вераса, миым огез лыдӟисьмы малпаськытӥз ни вал: бертӥсько, пе, 31-тӥ декабре больницаысь, туннэ монэ нокин но уз ӟечкыла, дыр, шуыса, но шуак телефонам смс вуиз — «удмурт дуннеос» Выль арен ӟечкылало! Ӧжыт ке но умой луиз.

Гажано эшъёс! Котырады вань ке аналтэм, ӟеч сюлэмо арлыдоос, вазиське. Валяпаймес пӧянлэсь утён вылысь адрессэ но быдэсак нимтулзэ ивортом редакцие вазиськемды бере гинэ. Телефонмы: 8-951-195-37-65.

Зинаида РЯБИНИНА, валтӥсь редактор

Ангелина Снигирева
By Ангелина Снигирева 24 декабря, 2020 15:55 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<