30-тӥ шуркынмон— 6-тӥ толсур

Ангелина Снигирева
By Ангелина Снигирева 30 ноября, 2020 17:50
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Така.

Бадӟым ужъёсты вань ке, соосты арня кутсконын ик быдэстыны тырше. Трос ужъёстылы луыса семьяяды куд-ог валамтэос кылдозы. Керетыса ӟече уд вуэ, ог-огдылэн кузяды ветлэ.

Ош.

Арня кутско­нысен трос ужано луоз. Лушкем мал­панъёстэс уло­нэ пыӵатоды, эшъёстэс сьӧрады валтоды. Тыршемды арня пумын дунъямын луоз: ватсаса уждун яке премия басьтоды. Шутэтскон нуналъёсы пумиськонъёсы ӧтёзы.

Кыктоос.

Таяз арняе котыр ласянь 
удалтоз. Культура но искусство удысын ужасьёслэн пӧсь ва­кытсы, ужбергатӥсьёслы но арня шорын удалтоз. Дыр вуэмын аналтэм ужъёстэс йылаз-пумаз вуттыны, шулдыръяськонъёсы пыриськыны.

Кисло-кусло.

Арня ӵо­же тыр­шемды вылӥ дунъямын луоз. Семьядылы трос­гес саклык висъялэ, ныл­пиостылы урок дасяны юрттӥське. Юрт котырады 
ужъёсты люкаськемын, шу­тэтскон нуналъёстэс лэсь­тӥськонлы сӥзе.

Лев.

Ганяк кариське но ӧжытак шутэтске. Ужъёсты капчиен радъяськозы. Арня кутсконын ик трос 
ка­лыкен пумиськоды но тун­сыко эшъёс шедьтоды. Выль малпанъёсты кылдозы. Во­зиське курытсэ юонлэсь.

Нылмурт.

Мытэм ужъёстэс эн аналтэ. Та нуналъёсы трос тыршоно луоды. Куд-ог малпанъёстэс быдэстыны уг кылды шуыса, мылкыддэс эн куашкатэ. Коньдон пуйыдэс пыдло ватэ, мултэс басьяськонлэсь во­зиське.

Весъёс.

Мылкыдды капчи, таяз арняе мае ке кужмысь воштыны эн тырше, котькытчы бызьыса эн мынэ. Арня пумозь вань ужъёсты каньылля радъяськозы. Шутэтскон нуналъёсы калыке поталэ, быгатонлыкъёстэс возьматыны луонлык кылдоз.

Скорпион.

Арнядэс кызьы мытоды, озьы ик со ортчоз. Ӵапак ды­рыз тодон-ва­ланъ­ёстэс будэтыны, урод сямъёстылэсь куштӥськыны. Шутэтскон нуналъёстэс матысь эшъёсыныды ортчытэ.

Ыбылӥськись.

Калыкез сьӧра­ды валтыны, кин ке понна ужаны жадиды. Иське, шутэтскон сярысь малпаське. Ужбергатон удысын ужасьёслы сакгес кариськоно, огкылъёс гожтонэ эн пыриське. Кынман висёнъёслэсь утиське.

Сюро кеч.

Асьтэлы гинэ оскиське, юрт­­­тӥськыны мылкыд карисьёс шедизы ке но. Угось пӧяськисьёс котырады вань. Синмаськем муртты кузьым лэсьтоз.

Ву кисьтась.

Арня кутсконын ик котькытчы вуттӥськоно луоды. Огдыре трос уж борды ӧд басьтӥське ке, ваньзэ лэсьтыса вуоды. Тазалыктэс чаклалэ, керетонъёсы эн пыриське, курытсэ эн юэ. Коньдондэс шыръялэ, сое пунэмен басьтонлэсь возиське.

Чорыгъёс.

Чакласькисьгес луэ: ас ужзэс тӥледлы погыльтыны, сереме уськытыны вырисьёс шедёзы. Дыр вуэмын ышыгын пукыны. Шутэтскыны луонлык шедьтэ, тазалыктэс эскере. Тросгес поръялэ чылкыт омыретӥ.

Ангелина Снигирева
By Ангелина Снигирева 30 ноября, 2020 17:50 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<