23-тӥ — 29-тӥ шуркынмон

Ангелина Снигирева
By Ангелина Снигирева 23 ноября, 2020 09:34

Така.

Кужымды ду­рыныз пӧзе, мылкыдды капчи. Нокытчы дыртытэк но, котьмае лэсьтыса вуоды. Ӵапак дырыз выль ужъёс борды басьтӥськыны, соос вылӥ дунъямын луозы. Шутэтскон нуналъёстэс дорады ортчытэ, малпамтэ шорысь кыдёкысь тодмоосты вуозы.

Ош.

Арня кутсконын ик куноосты вите. Выль ­ужъёс борды бась­тӥськыса, дырдэс гинэ токма быдтоды. Аналтэм ужъёсты лачак люкаськемын, нырысь соосты йылпумъялэ. Малпамтэ шорысь ӟеч уждун вуоз, матысь ӵыжы-выжыостылы кузьым басьтэ.

Кыктоос.

Быдэс арняды валантэм ортчоз. Нырысь ик сюлмаськонъёс, шуг-секытъёс, керетонъёс луозы. Чидалэ, шыпыт пуке, вазем кылды асьтэлы ик уродэн берытскоз. Арня пумын ваньмыз радъяськоз. Шутэтскон нуналъёсы тросгес поръялэ, семьяеныды быдэстоно ужъёсты сярысь кенеше.

Кисло-кусло.

Ӟеч вакытъёсты вуо. Ма борды басьтӥськоды, ваньзэ капчиен быдэстоды, коньдон ужпумъёсты тупатскозы. Сакгес кариськоно вторник но четверг нуналъёсы. Судэ вазиськонды вань ке, мукет нуналэз быръе, документъёстэс но ӝог эскерозы. Тазалыктэс юнматэмды иназ мыноз.

Лев.

Азьтэмъяськыны уг яра. Арня шорын пайдаё пумиськонъёс витё. Улон тӥледды визьноданы выроз, но тӥ сое валалоды, кӧня ке арня ортчыса гинэ. Лэсьтэ шонер йылпумъянъёс. Шутэтскон нуналъёстэс семьяеныды ортчытэ.

Нылмурт.

Арняды дыго-мого мыноз, ужъёсты радъямын ӧвӧл, малпанъёсты тугаськемын, ма карыны уд валаське. Одӥг нуналзэ шутэтске но рос-прос малпаське, вань кулэтэмезлэсь куштӥське. Ӵыжы-выжыостылэн юрттыны мылкыд каремзылы пумит эн луэ. Сакгес кариське, сюресъёс вамен выжыкуды.

Весъёс.

Дыртон сям­ды котьмалы люкетэ. Ужъёсты лачак, одӥг юанэз сэрттыса гинэ, мукетыз борды басьтӥське. Арня шорын юмоке шедьыны быгатоды, сак кариське. Семья кусыпъёсты валантэм, керетон мугъёс шедёзы. Тодмотэм адямиосын эн вераське, коньдон пуйыдэс пыдло ватэ.

Скорпион.

Арняды ӟеч иворъёсын кутскоз, конь­донэн герӟаськем ужъёсты умой пала воштӥсь­козы. Ужын мултэс жадьытэк, бадӟымесь азинсконъёс басьтоды, лушкем малпанъёстэс уж вылын быдэстоды. Дыр вуэмын тазалыктылы тросгес саклык висъяны.

Ыбылӥськись.

Арня кутсконын кыкез понна ужано луоз, ваньзэ рос-прос эскере. Пӧяськыса яке уждэс мурт вылэ погыльтыса, азинсконъёс уд басьтэ. Тӥ ялан ужын, семьяды вунэтэмын, со муген ик кузпалэныды керетонъёс кылдозы. Мае ке кужмысь воштыны 
эн тырше.

Сюро кеч.

Азьвыл мытэм ужъёсты улонын быдэсмозы, гожтэм огкылъёсты барыш ваёзы. Дунъялэ эшъ­ёстылэсь верамзэс, керетонъёсы эн пыриське, визь-кенеш сётӥсьёс сотэк но уно. Арня пумын кылэм иворъёслы эн оске, сюрес вылэ потонлэсь возиське.

Ву кисьтась.

Арня кутсконын ик трос сюлмаськонъёсты кылдозы: котькытчы вуоно, котьмае лэсьтоно, коньдон ужъёстэс радъяно. Тыршемды токма уз луы, арня пумын трос пол удалтоз. Пунэм тыронъёсын, вытъ­ёсын герӟаськем ужъёстэс берлолы эн кельтэ.

Чорыгъёс.

Тӥ шонер сюрес вылын. Дӥсьтонлык­тылы но калыкен огкыл шедь­­тыны быгатонлыктылы ваньмыз синмасько, нош мытэм ужъёсты капчиен но ӝог быдэсмо. Семья куспады валамтэос медаз кылдэ шуыса, шутэтскон нуналъёстэс нимаз ортчытэ.

Удмурт дунне

Ангелина Снигирева
By Ангелина Снигирева 23 ноября, 2020 09:34
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<