16-18 аресъем нылпиослы выплатаос уз луэ

Related Articles

• Каланча, ярдур но кырӟан 0 01.Апр
• Удмурт нылаш утӥз хрусталь глобус 0 04.Фев
• Шаерамы ву гумыосты выльдозы 0 30.Мар

Кун Кенешысь депутатъёс пумит луизы 16-18 аресъем нылпиослы быдэн 10 сюрс манетэн висъяны.

Таӵе ӵектонэн потӥз вал элькун парламентысь «Справедливая Россия» фракция. Солэн кивалтӥсез Фарид Юнусов вераз: коронавирусэн кылдэм югдурен сэрен Россиысь 3 аресысен 16 аресозь нылпиослы кун казнаысь июнь но июль толэзьёсы быдэн 10 сюрс манетэн висъямын. 16 аресысен 18 аресозь нылпиос палэнэ кылӥзы. Таӵе юрттэт кулэ, соосты висъям кадь медаз луы шуыса.

Но данакез депутатъёс кичӧлтонлы пумит луэмзэс веразы. Та понна элькун бюджетысь ватсаса ог 300 миллион манет кулэ луоз. Но казна али сотэк но бушамын. Та ужпум борды берытскыны луоз, пе, югдур кӧня ке но тупатӥськем бере. Нош шуге-леке вуэм семьяос ас понназы куштэмын ӧвӧл — туэ Россилэн бюджетысьтыз соослы оглом ог 7 миллиард манет висъямын ни.

Элина КУМАЧЁВА