Элькунмес ӟечкыла быдэс дунне!

Related Articles

• Ува ёросысь Сяртчыгуртысь нылпи садэз тупатыны висъямын ог 3 миллион манет 0 05.Авг
• Гожъяськыны мылкыд сётӥз ошмес 0 24.Июл
• Элькун Гербере Уваысен автобусъёс ветлозы 0 15.Июн

4-тӥ шуркынмонэ элькунмылы 100 ар тырме. Бадӟым нуналэн шаермес ӟечкылазы Россиысь улосвылъёс, Китай, Венгрия, Узбекистанно трос мукетъёсыз.

Китайлэн посолэз Чжан Ханьхуэй пусйиз, шаермы Китаен ӟеч кусыпъёс возе шуыса. Кылсярысь, мувӧй поттон удысын валче ужало «Удмуртнефть» огазеяськон но Sinopec компания. Посол азьланяз но Удмуртилы юрттӥськом шуиз, тужгес но али, куке Россилэн но Китайлэн куспыъёссы нуналысь нуналэ кужмояло.

— Мон шумпотӥсько, Удмуртия но Венгрия арысь аре матэгес луо шуыса, али азинтӥсько туризм, дышетон, гурт удысъёсъёсмы, — пусйиз Казаньысь Венгрилэн консулэз Адам Штифтер.

Элькунмылы видеоӟечкыланъёс ыстӥзы Нижний Новгородлэн губернаторез Глеб Никитин но Башкортостанлэн Тӧроез Радий Хабиров.

— Удмуртия — Россилэн оглюкетэз, отын уло пӧртэм калыкъёс, кытын котькуд адями вала, огъя коркамес утьыны но сое нуналысь нуналэ ӟечгес карыны кулэ шуыса. Ӵошен гинэ ми ваньзэ вормыны быгатом, — шуиз Глеб Никтин.

Радий Хабиров пусйиз, макем зол азинске но кужмо луэ Удмуртия.

— Башкортостанысь удмуртъёс утё асьсэлэсь лулчебертсэс, сям-йылолъёссэс, но со дыре ик эшъясько элькунысьтымы мукет калыкъёсын но шаермес азинтыны юртто. Оскисько, кусып воземмы элькунъёсмылы трос пайда ваёз, — пусйиз Радий Хабиров.

Сергей Захаров