Шаерысьтымы ог 9 сюрс ужбергатӥсьёслэн выт тыронъёссы 3 поллы ичигес кыльыны быгатозы

Удмурт Дунне
By Удмурт Дунне 26 ноября, 2020 12:10
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Вуоно арын 1-тӥ январьысен Россиын уз луы ни ЕНВД (единый налог на вмененный доход), таин валче куд-ог ужбергатӥсьёслэн тыриськонъёссы шуак йылыны быгатозы. Угось соос выт тыронъя мукет амалъёсты быръёно луозы. Нош соосъя лыдпусъёс шӧдскымон бадӟымесьгес.

Ужбергатӥсьёсты шуге-леке вуттонтэм вылысь та ужпумез эскеризы Кун Кенешысь депутатъёс. Соос вытъёслэсь быдӟалазэс кулэстӥзы: УСН (упрощенная система налогообложения) амалэз бырйисьёслы 6 процентысь 2 процентозь но 15 процентысь 5 процентозь кельтӥзы.

— Туннэ нуналлы Россиысь 12 улосъёсын гинэ УНС амалэз бырйисьёслы капчиятонъёс чакламын, Удмуртиын ставка тужгес пичиез луэ, — шуиз Удмуртиез азинтонъя корпорацилэн кивалтӥсез Константин Сунцов.

Со сяна, депутатъёс 2023-тӥ арозь азинтӥзы «вытъя каникулъёсты». Озьы тыриськонъёслэсь мозмытэмын вуз поттонэн, калыклы юрттэт сётонэн, наукаен вырись ужбергатӥсьёс — соос нырысьсэ та уж борды басьтӥсько ке. 2020-тӥ арын таӵе луонлыкез кутӥзы ни 531 ужбергатӥсьёс.

Эшшо ваньбур понна выт тыронлэсь мозмытэмын мозмытэмын театръёс, кинотеатръёс, концерт залъёс — кема ворсаськыса улэмзы бере, соослы усьтӥськыны лэземын 17-тӥ ноябрьысен.

Элина Кумачёва

Удмурт Дунне
By Удмурт Дунне 26 ноября, 2020 12:10
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<