Ужась тусъёс — «Галерея» адӟытон центрын

Удмурт Дунне
By Удмурт Дунне 3 ноября, 2020 15:43

8-тӥ ноябрёзь «Галерея» адӟытон центрын тодматскыны луэ «Лица труда» фотовыставкаен (0+).

Сарапулысь врачъёслэн тусъёссы

«Лица труда» фотоконкурс 3-тӥ арзэ радъяське. Адӟытон сӥземын киын ужасьёслы — гуртын, заводъёсын, предприятиосын тыршисьёслы — но радъяське ужась калыклэсь данзэ ӝутон вылысь. Россиын ужась адямиез котьку гажазы — та сям уретӥськыны кулэ ӧвӧл.

Туэ вожвылъяськонэ ыстэмын вал Россиысь вань улосъёсысь ог 2 сюрс фото. Жюри дунъяз туспуктэмъёсты кӧня ке номинациын: «Яратоно уже», «Устоез егит специалист», «Устоез дышетӥсь». Туэ ватсамын вал 2 выль номинация: «Асьме вакытысь геройёс» — со сӥземын врачъёслы — но Быдӟым Вормонлы сӥзем «Ветеранъёсмы». Устооссэ туспуктэмъёсты калык азе потталозы, нош вормисьёсты кузьымъёсын пусъёзы. Фотоконкурслы сӥзем нырысетӥез выставка Россиысь кӧня ке городъёсын ортчоз, нырысетӥез усьтӥськиз Ижкарын.

Вормисьёс пӧлын — Сарапулысь городской больницаысь медсестра Ульяна Лазарева. Со конкурсэ больницаысь эшъёсызлэсь — реаниматологияя но физиотерапияя отделениосын ужасьёслэсь — тусъёссэс келяз. Выставкаез усьтонын вормисез ӟечкылазы но кузьым — смартфон — сётӥзы.

— Таӵе кузьым иназ мыноз, — тау шуиз У. Лазарева. — Медсестра луэм сяна, мон ивор вӧлмытӥсь организациосын кусып возён понна кыл кутӥсько. Алигес выль проект мытӥмы: валтӥсь врачен «пӧсь телефон». Смартфонэз ӵапак та ужын кутомы.

У. Лазарева — Сарапулысь вормись.
Туспуктӥз А. Шумилова

Туспуктэмъёсысь адямиослэн югыт тусъёссы кужым сёто кадь. Пальпотыса, калыклы пайда вайыса ужаны мылкыд кылдэ.

Выставка ужалоз 8-тӥ ноябрёзь, пыронэз дунтэк.

Удмурт Дунне
By Удмурт Дунне 3 ноября, 2020 15:43
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<