Туэ этнографической дикантэз гожтозы онлайн

Удмурт Дунне
By Удмурт Дунне 2 ноября, 2020 12:20

3-тӥ шуркынмонэ www.miretno.ru вотэсбаме поттэмын луозы быдэстоно ужъёс. Соосты лэсьтоно 8-тӥ шуркынмонозь.

Этнографической диктантэз туэ 5-тӥ арзэ гожто ни. Ужрадэ мыло-кыдо пырисько Россиысь но кунгож сьорысь адямиос. 45 минут куспын соос 30 юанъёслы валэктон сёто, 20-ез соос пӧлысь герӟаськемын Россиысь калыкъёслэн улон-вылонэнызы, лулчеберетэнызы, 10-ез — нимаз улосвыллэн, шаерлэн историеныз.

Кылсярысь, Удмуртиен герӟаськем юанъёсты туэ быдэс элькунэн малпазы. Йӧскалык политикая министерствоен но Эшъяськон юртэн ялэм конкурсэ 50-лэсь уно дэмланъёс вуизы.

Туэ тестэз гожтонын трос выльдӥськонъёс луозы. Нырысь ик, диктант онлайн ортче. Собере, юанъёслы валэктон сётэм бере ик, адямилы баллъёсыз возьматӥськозы, сертификат сётӥськоз. Со сяна, соку ик янгышъёстэ но эскерыны, юанъёсъя пыр-почгес валэктонъёсты лыдӟыны луоз.

Тестэз арысь аре тросгес но тросгес адямиос гожто. 5 ар куспын акцие пыриськизы ни 46 странаосысь 1 сюрс 200 адями. Вераны кулэ, этнографической диктантэз радъяло Йӧскалыкъёсъя федерал агентство но Удмуртиысь йӧскалык политикая министерство.

Мария Петрова

Удмурт Дунне
By Удмурт Дунне 2 ноября, 2020 12:20
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<