Пенсионеръёслы улыны минимум вуоно арын бадӟымалоз

Related Articles

• Пыӵаны кутскизы тылпулэсь утиськонъя выль куронъёс 0 17.Мар
• Пичи Пургалан нырысьсэ «Руль сьӧрын нылъёс» ёрос вожвылъяськон ортчиз 0 07.Апр
• Зор-кот, рок, поп 0 16.Июл

Туннэ та лыдпус — 8 сюрс 502 манет. Вуоно арын 415 манетлы йылоз но 8 сюрс 917 манет луоз. Таӵе решение кутӥзы Кун Кенешысь депутатъёс, таяз арня вискын ортчем сессиязы.

— Улыны чаклам минимум меӵак герӟаськемын пенсиос тыронэн, — пусйиз Кун Кенешысь Ужъя, улонын юрттэт сётонъя но ветеранъёслэн ужъёссыя ялан ужась комиссилэн кивалтӥсез Алексей Чернов. — Кинлэн пенсиез минимумозь уг вуы, соослы Россилэн бюджетысьтыз юрттэт ватсаське. Озьыен, туннэ нуналлы пичиез пенсия 8 сюрс 502 манет ке, вуоно арысен 8 сюрс 917 манет луоз.

Со сяна, Кун Кенешысь «Справедливая Россия» фракциысь депутатъёс чакланы малпало, кызьы улоно 9 сюрс манет тыр. Экспериментэ кӧня ке пенсионеръёсты кутом, пе. Тае радъян вылысь, соос, юрттэт курыса, вазиськизы Калыкез улон-вылон вылонын утён политикая но ужъя министрлы Татьяна Чураковалы.

Элина Кумачёва