Ижын ортчоз егитъёс пӧлын терроризмез но экстремизмез вӧлмытонэз уретонлы сӥзем конференция

Удмурт Дунне
By Удмурт Дунне 23 ноября, 2020 13:04

24-тӥ шуркынмонэ 10 часын Удмуртиысь Правительстволэн юртаз ужзэ мытоз егитъёс пӧлын терроризмез но экстремизмез вӧлмытонэз уретонлы сӥзем конференция.

Конференциез радъяло Удмуртиысь терроризмен нюръяськись комиссия но Россиысь юстицияя кун университетлэн Ижысь филиалэз.

Кызьы пусъё радъясьёс, туала вакытэ экстремизмез вӧлмытӥсьёс эшшо но тросгес алямын. Соослэн четлыказы ӵемгес сюрыло 30 аресозь егитъёс. Та сярысь верало тросэз эскеронъёс.

Конференциын вераськозы, малы егитъёс экстремистъёслэн киулазы шедё, кызьы мерлыко бамъёс экстремизмез но терроризмез вӧлмытыны юрттэ, кыӵе кыл кутон возьма та ужен вырисьёсты.

Конференцие пырисько Россиысь валтӥсь вузъёсысь тодосчиос, Россиысь терроризмен нюръяськись комиссиослэн ёзчиоссы. Уже соос очно но дистанционно пыриськозы.

Конференциез учкыны луэ татысь:

Удмурт Дунне
By Удмурт Дунне 23 ноября, 2020 13:04