Визь ужамъя лыктэ

Ангелина Снигирева
By Ангелина Снигирева 30 ноября, 2020 17:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Сьӧлта ёросысь Николай Шихов вордскем Аман гурт котыраз форель будэтыны кутскиз. Ошмесъёслэсь ӵыпетъёс тымиз.

Сьӧлта ёросысь Аманысь Н. Шихов форель вордэ.
Туспуктӥз Елена Сараматова

Удмурт воргорон участковой но, Копки сельсоветэн кивалтӥсь но, «Родина» хозяйстволэн председателез но вал. Табере фермер кариськиз.

— Вордскем Аман гуртам калык муш возьылӥз, — вера Николай Семёнович. — Милям но семьяямы умортоосмы лачак вал. Чаклалляй: кинлэн мушез вань, со ваньбуро улэ. Но 1979-тӥ аръёсы варроатоз чер котырысьтымы вань мушъёсты быдтӥз. 1984-тӥ арын кышнояськеме бере 6 умортоосты кышноеным ӵош кыз йылэ ӝутӥм. Кышное номыр уз пӧрмы, шуылӥз. Пумитаз вазьылӥ: сӥзьыл тонэ чечыен сюдо. 2-аз умортое муш семья пыриз. 1991-тӥ-1993-тӥ аръёсы фермер луыса ужакум, пасекае семьяме сюдӥз ни. Ӟег кизьылӥ, парсь куайытӥ, ош вордӥ. Сельсоветлы кивалтӥсе быръемзы бере фермерысь кошконо луи. Но быдэс улонме Аман гурт котыръёсы сярысь малпалляй. Отын али 1 мурт сяна уг улы. Оло, пӧрмоз шуыса, 2014-тӥ арын эскерон вылысь ӵыпетам форель лэзи. Семьяме сюдыны пӧрмытӥ шуыса, кылем арын эшшо тросгес чорыг будэтоно кариськи. Толыке вылымтэ на: ӵыпетме лэзьыкум, 6 ведра фореле шур кузя кошкиз. Визь ужамъя лыктэ.

Николай Семёнович туэ 400 килограмм чорыг будэтыны пӧрмытӥз ни. Гужем вылтӥ эшшо 3 ӵыпетъёссэ сузяз, тупатъяз, вуоно тулыс вуэн тырмытоз. Уже пӧрмиз ке, 2021-тӥ арын 1 тонна форель басьтыны быгато, шуэ. Оглом 10 тонна чорыг будэтыны малпа.

— Чорыге чылкыт, чебер мед луоз кадь потэ, — вера Николай Шихов. — Ужме радъян понна кылем арын гинэ 150 сюрс манет быдтӥ. Уксёез музъеме согиськод, шуо семьяосы. Ыштонъёс бадӟымесь ик. Нош мыным кельше выльзэ тодыны, инкуазьын улыны, чорыген но мушъёсын вырыны. Вуоно арын мызьысь форель поттонъя установкаос басьтэме, пичи цех ӝутэме потэ. Соку быдэс производство кутсконысен пумозяз ас дорам луоз. Отӥяз, пӧрмиз ке, бестер чорыг но вордыса эскеро. Кытчы чорыгдэ карод, юало. Сьӧлталась райпоен кенеши. Ёросъёсын базар нуналъёс ортчыло, отчы улэп форельме потто.

Николай Семёнович Гурт удысъя но сиён-юонъя министерствое грантлы вазиськиз. Конкурсын вормиз ке, ужъёсыз уката ӝоггес пӧзёзы.

Елена Сараматова

Ангелина Снигирева
By Ангелина Снигирева 30 ноября, 2020 17:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<