ВАЛЕНТИНА МАТВИЕНКО: Удмурт Элькун Россиез азинтонын бадӟым инты басьтэ

Related Articles

• Зинаида Рябинина: Школа бере — почтае! 0 01.Сен
• Владимир Невоструев: Куара сётонэ котькудӥз пыриськыны кулэ 0 26.Июн
• 11-тӥ куарусёнэ курытэныз вуз карон алэмын 0 08.Июн

Россиысь Федерация Кенешлэн кивалтӥсез Валентина Матвиенко ӟечкылаз  Удмуртиын улӥсьёсты элькунлэн 100 ар тырмонэныз. 

— Ортчем даур ӵоже Удмурт элькун бадӟым странаез азинтонэ бадӟым пытьы кельтӥз, со дыре ик, утьыны быгатӥз аслэсьтыз асӧртэмлыко луэмзэ, трос каыклъёсызлэсь лулчеберетсэ но узырлыксэ, — пусйиз Валентина Матвиенко. — Пӧртэм удысъёсын тӥляд вань маин данъяськыны. Но нырысь ик элькун кулэ данъяськыны аслаз калыкеныз. Соос дурыны юрттӥзы Быдӟым Вормонэз, Удмуртиысь 100-лэсь уно ожгарчиос Совето Союзысь геройёс луизы. Быдӟым ож вакытэ Удмуртия ас дораз интыяз быдэс странаысь ог 40 пала предприятиосты. Ужась калык понна данъяськымон луэ соиз но: туэ Россиысь Президентлэн указэзъя Ижевск «Город трудовой доблести» дано ним басьтӥз. 

Али элькун Россиез азинтонын бадӟым инты басьтэ. Нюлэсъёс, ошмесъёс, италмас сяськаос сяна, Удмуртия — со мувӧй поттон, машина, беспилотникъёсты, космослы кулэ луись оборудование, медицинской техника лэсьтон, корт ӵыжатон бордын ужась элькун. 

Видео-открыткаез пумын Валентина Матвиенко  пусйиз, берло аръёссэ Россиысь Федерация Кенешын 2 пол ортчизы ни Удмуртилы сӥзем нуналъёс. 

Сергей Захаров