Ялӥськом туспуктэмъёсын «Мон — удмурт» конкурс

Удмурт Дунне
By Удмурт Дунне 9 октября, 2020 09:48
Туспуктэмез лэсьтӥз Ижысь Наталья Клабукова

Элькунмылэн вордӥськем нуналэзлы сӥзьыса, ялӥськом туспуктэмъёсын «Мон — удмурт» конкурс. Быдэс шаермы тыр возьматоно, макем яратӥськоды вордскем музъеммес, гажаськоды калыкмес.

Конкурсын 3 номинация:

  • «Кунлык» — кутӥсько элькунмылэсь историзэ возьматӥсь туспуктэмъёс: кунлыкез юнматон бордын ужасьёслэн тусъёссы, политикаысь, мерлыко улонысь суредъёс…
  • «Туала удмурт ужрад» — концертъёсысь, конкурс-фестивальёсысь, Гербер, Выль но со выллем мукет ужрадъёсысь тусъёс.
  • «Вашкала сям-йылол» — кинлэн ке, оло, утисько на азьвыл вакытъёсысь вӧсяськонъёсысь, йыр-пыд сётонысь сьӧдэн-тӧдьыен фотооссы. Яра келяны вашкала сямлэсь туала вакытэ быдэсъяськемзэ возьматӥсьёссэ но: армие келян, сюан, ӵӧжы сиён…

Ужъёс кутӥсько 20-тӥ декабрёзь. Туспуктэмъёсты ыстоно электрон амалэн «Удмурт дунне» газетлэн почтаяз udmdunne@yandex.ru.
Одно ик гожтэ авторлэсь нимзэ-тулзэ, кытын улэмзэ (ёрос, гурт), телефонзэ, конкурслэсь номинацизэ, вакчияк — ужрадлэн, сям-йылоллэн пуштросэз, ку но кытын ортчемез сярысь. Ӟечъёсыз фотоос потозы газетын. Вормисьёс тодмо луозы арлэн пумаз. Соос дипломъёсын но кузьымъёсын пусъемын луозы.


Наталья Клабукова:

Туспуктэмез лэсьтӥ 2013 арын Шаркан ёросысь Быги черкогуртын. Соку Шарканын ортчиз профильной лагерь «Звезды будущего», кудаз мон вад вожатой. Смена куспын Удмуртиысь нылпиос тодматскизы портэм калыкъеслэн сямъесынызы но йылолъесынызы, озьы ик дышетскизы командаын ужаны но трос мукетэзлы. Быгиос пумитазы ческыт табанен, эшшо на перепеч кутӥм вал. Озьы ик тодматӥзы удмуртлыкен. Сокем шуныт пумитазы милемыз быгиос! Шунды йыр вадьсын, шунды тӧркыын. Котьку мед пиштоз шунды удмурт дунне вылын! «

Удмурт Дунне
By Удмурт Дунне 9 октября, 2020 09:48
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<