Кизилиос верало: 19-тӥ — 25-тӥ коньывуон

Удмурт Дунне
By Удмурт Дунне 19 октября, 2020 08:54
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Така.

Арня кутсконын ик бадӟым ужъёс борды басьтӥськиды ке, соосты одно ик умой йылпумъялоды. Мылкыдды бурдъяськемын, кужымды тачак, ватсаса уж но утчаны луонлыкты шедёз. Арня пумын малпамтэ шорысь куноос вуозы.

Ош.

Ужъёсты люкаськемын, сое нокин но тӥ понна уз быдэсты. Огдыре кыкез борды ӧд басьтӥське ке но, арня пумозь ваньмыз радъяськоз. Удалтоз среда но четверг нуналъёсы: мытэм ужъёсты вӧй вылти кадь радъяськозы. Сюлмаськонъёсты вань ке, матысь адямиостылы соос сярысь вералэ.

Кыктоос.

Котьку калык пӧлын, соин ик чакласькыса но малпаськыса вераське. Эшъёсыныды кусыпъёсты ушъямон ӧвӧл ке но, керетыны эн дыртэ. Арня пумын шыпыт шутэтске, мылкыдды капчигес луоз. Отӥяз выль ужъёс капчиен сётскозы.

Кисло-кусло.

Арняды мӧзмыт потоз, нуналмысь ужъёсты акыльтӥзы, номыр тунсыкоез ӧвӧл кадь. Буйгатске: кунэрес улӥды ке, висёнъёс лякиськозы. Тросгес пыдын ветлэ, мугордэс кыдатэ. Сакгес кариськоно ужбергатон удысын ужасьёслы. Утелэ тазалыктэс.

Лев.

Мылкыдды шулдыр, мытэм ужъёсты капчиен радъясько, выль тодмоосты кылдозы. Озьы ке но котырысьтыды эшъёстылэн чебер веранъёссылы эн оске. Кылзэ но асьтэ сямен лэсьтэ. Шутэтскон нуналъёстэс семьяеныды ортчытэ. Басьяськонлэсь возиське, выль ужъёс борды эн кутске.

Нылмурт.

Арня кутсконын ик сак луэ, тужгес но сюрес вамен выжыкуды. Лыдэ басьтэ эшъёстылэсь куронъёссэс, быгатэмдыя юрттӥськыны тырше. Ужъёсты люкаськемысь эн куалектэ, ваньзэ радызъя быдэстӥды ке, арня пумын ганяк кариськоды.

Весъёс.

Таиз арня тӥляд: кужымды дурыныз пачыла, ужъёсты ӝог но капчиен быдэсмозы, мылкыдды бурдъяськоз, ӟеч иворъёсты кылыса. Сьӧрло мынонды вань ке, мукет арнялы кельтэ. Арня пумын тодмоосты куное вуылозы, тунсыко иворъёсын шумпоттозы но паймытозы.

Скорпион. Маке бадӟым ужъёсты вань ке, соосты арня кутсконын ик быдэстыны тырше. Кинэ ке вылӥе ӝутозы, кин ке палэнысь коньдон басьтоз. Вӧзысьтыды эшъёстылэсь верамзэс сакгес кылзэ, ӵектонъёссэс ужады но кутыны быгатоды. Семья куспады ӧд керетэ ке, ваньмыз умой луоз.

Ыбылӥськись. Арня кутсконын лэсьтэм ужъёстылы вылӥ дунъет сётозы. Лушкем малпанъёсты быдэсмозы. Коньдонды вань дыръя асьтэлэсь уждэс усьтэ, бадӟым маке басьтэ. Малпамтэ шорысь кыдёкысь куноосты вуозы.

Сюро кеч.

Ужъёсты лачак, нырысь ик йыл­пумъялэ азьвыл мытэмъёссэ. Ӝоген соос пайда вайыны кутскозы, малпанъёсты улонын капчиен быдэсмозы. Тросгес саклык висъялэ нылпиостэс визьноданлы, тазалыктэс кыдатэ.

Ву кисьтась.

Арня кутсконын ик уж пӧлы выё­ды. Вылаз ик, егит дыр тодмоостэс пумиталоды но, сюлмаськонъёсты йылозы. Чыры-пыры ужъёстэс вунэтонтэм вылысь тетраде гожтэ. Четвергысен ваньмыз радъяськыны кулэ.

Чорыгъёс.

Арняды бугырес кутскоз: ужады куд-ог валамтэос кылдозы, семьяяды дурбасьтӥсьёс уз шеде. Котькыӵе сюлмаськон луэ, ортчоз таиз но. Эшъёстылэсь верамзэс санэ басьтэ, янгыш лэсьтонъёслэсь озьы утиськоды. Асьтэлы уд оскиське ке, бадӟым уж борды эн басьтӥське.

Удмурт Дунне
By Удмурт Дунне 19 октября, 2020 08:54
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<