Эшъяськон юртын Пичи Кенеш ортчиз

Удмурт Дунне
By Удмурт Дунне 9 сентября, 2020 16:57
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Туннэ Эшъяськон юртын Пичи Кенеш ортчиз. Удмурт азьветлӥсьёс вераськизы, удмуртъёслэн ӧтчамзылы дасяськон, Глазовын но Можгалан удмурт классъёсты усьтон, Йӧскалык прессалэсь юртсэ кылдытон но трос мукетыз сярысь. 

“Удмурт Кенеш” огазеяськонлэн тӧроез Татьяна Ишматова: 15-тӥ шуркынмонозь ёросъёсын йылпумъян конференциос ортчыны кулэ.
Туспуктӥз Максим Егоров

Улон сётӥз ке, вань удмуртъёслэн съездзы ортчыны кулэ туэ 3-тӥ толсуре Удмурт театрын. Кызьы вераз “Удмурт Кенеш” огазеяськонлэн тӧроез Татьяна Ишматова, 15-тӥ шуркынмонозь ёросъёсысь ёзъёлэн конференциоссы ортчыны кулэ, отын кенешчиос 4 ужан арлы йылпумъянъёс лэсьтозы, азьланезлы быдэстоно ужъёсты чаклалозы,  быръёзы ӧтчаме мынӥсь адямиосты.  

Пичи Кенеше вуизы вань ёросъёсысь но палэнын улӥсь удмурт азьветлӥьёс.
Туспуктӥз Максим Егоров

Шумпотымон, кылем арын Глазовын но Можгалан удмурт кылэз дышетонъя классъёс усьтэмын вал. Можгалан 8 школаосын 326 пинал удмурт кылэз факультатив но кружок амалэн дышето, со понна вань кулэ учебникъёссы вань. Можгалан чаклало, нырысетӥ арзэ удмурт кылэз дышетэм пиналъёс кыкетӥ араз удмурт кылэз прдемет чотын дышетыны кутскозы шуыса. Та сярысь вераз Можгалась Дышетонъя управленилэн кивалтӥсезлэн воштӥсез Ирина Кузякина. 

Татьяна Ишматова пусйиз, али удмурт классъёс усьтӥсько ке но, ми азьын эшшо но бадӟымгес ужпум сылэ: уйпал но лымшор палан улӥсьёс понна удмурт гимназиос кылдытоно.  Та бордын эшшо но чырмытгес ужано. 

Пичи Кенешлэн ортчемез сярысь пыр-поч лыдӟыны быгатоды «Удмурт дунне» газетлэн 17-тӥ сентябре потоно номерысьтыз.

Мария Векшина

Удмурт Дунне
By Удмурт Дунне 9 сентября, 2020 16:57
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<