Шӧкыч: Пӧртмаськись нюк

Удмурт Дунне
By Удмурт Дунне 16 сентября, 2020 17:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Гуртамы клубмы ӧвӧлэн ми, егитъёс, шулдыръяськыны ветлӥськом вал сьӧрлось гуртэ. Сӥзьыл тём-тём ӝытъёс но талы ӧз люкетэ.

Огаз уе но, куспамы вераськыса, гуртамы бертӥськом.

— Ойдолэ бусы вамен меӵак гуртамы потом, — ӵектӥ эшъёсылы.

Нокин кылэм-адӟем ӧз кары. Йыры кур луиз но, бусы шортӥ пыдын ветлон сюрес вылэ кожи. Кӧня ке мыныса, малпан лыктӥз: та вогъяськись эшъёсме кышкатоно! Бусы вамен пырак потыса, эшъёсме азьпалтӥ но нюк дурысь сике ватски. Вылысьтым дӥсьме кыли, векчи кызъёс пӧлын возьмаськыса пукисько.

Тани вуо ни, ӟабыль гинэ вераськемзы кылӥське. Вадьсам вуэмзы бере сикысь каллен гинэ потӥ. Тӧдьы мугоры тём пеймытын соку ик чилектэм кадь адскиз, дыр. Эшъёсы чир! поттыса кин нюк вамен, кин нюк кузя кир-пазь луизы. Мон ӝогак дӥсяськи но дорам бертӥ. Тодам но ӧй вал, оло, кин ке зол кӧшкемаз шуыса. Нош ӵуказеяз городэ дышетскыны кошки.

Арня ортчыса, гуртэ бертӥ. Пырыкум ик анае юалляськыны кутскиз:

— Пие, малы ӧд вера, кызьы тӥледыз Ваткаволь нюкын нюлэскузё кышкатӥз?

— Уг тодӥськы, — шуисько, — мон соку бусы вамен шонерак бертӥ.

— Кылзы соку, — шуэ анай. — Горд Офоньлэн Лёняез лавкаын тазьы вераз. Ваткаволь нюк вӧзтӥ васькыкумы, пе, адями тусо кӧшкемыт маке возьматскиз. Кышкаменызы пиос кин кытчы пазьгиськиллям. Сенька Толя но Лёня нюк улэ бызиллям, Чикал Ванька нюк пыдсы питырам, султыны ӟигарыз ик тырмымтэ ни. Ӵуказеяз гуртысь воргоронъёс Ваткаволь нюке мынӥллям. Пыӵалэн ыбылыса, пуныосын ортчиллям.

Озьы мынам шузи-мази выремелы луыса гуртоос али но нюк дуртӥ кӧбераса ортчо. Со гинэ мар ай, Ваткаволь нюкысь табере я тӧдьы валэз адӟо, я уробо ӟукыртэмез, я кырӟам куараез кыло.

________

Алексей ТРУБАЧЕВ

Удмурт Дунне
By Удмурт Дунне 16 сентября, 2020 17:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<