Пыриськы «ДаУР» квестэ

Удмурт Дунне
By Удмурт Дунне 14 сентября, 2020 16:15

«ДаУР» квестэ пыриськыса, тросгес но тросгес адямиос шаерысьтымы паймымон чебер интыосы вуыло, туспуктэмъёс лэсьто. Вормисьёсты кузьымъёсын пусъёзы туэ 4-тӥ ноябре, Удмуртилы 100 ар тырмон нуналэ.

Шаерысьтымы яратымон интыосты ӵектӥз ачиз калык. Вань со интыос пусъемын «ДаУР» сайтысь интерактивной карта вылын. «Удмурт дунне» газетын соосты ёросъёсъя гожъямы 32-тӥ номерын.

Проектлэн авторез Гульназ Гырдымова ивортэмъя, 1-тӥ сентябрьлы квестэ пыриськыны 300 мурт куриськон гожтӥз ни. Озьыен, вожвылъяськон нуналысь нуналэ ӟырдытгес луэ. Тросэз Ижетӥ котыръясько — таиз ныр улын угось. Нош ёросъёсысь интыос синйылтытэкгес кылё на.

Конкурсэ пыриськыны 11-тӥ октябрёзь дыр вань на. Отчыозь:

  • • «ДаУР» сайтын регистрация ортчоно;
  • • паймымон интыосы вуылоно — макем тросгес, сокем умой;
  • • котькуд интыын асэныды ичизэ 3 туспуктэм лэсьтоно: асьтэос но, инкуазь но мед адӟиськоз. Ваньзэ тае Интернетысь бамъёсады юнматоно, инты сярысь малпандэс гожтыны луэ. Туэ 6-тӥ апрельысен лэсьтэм фотоос но яралозы;
  • • соцсетьёсысь постъёс борды одно ик гожтоно: пыриськисько #КвестДаУР
    #Удмуртия100
    #ОткрываемУдмуртиюВместе

Квестэ быдэс семьяен пыриськыны яра. 25 интыосы вуылэмъёс 1-тӥ этапез ортчемен лыдъяськозы, 50 интые вуылэмъёс 2-тӥ этапе пото, 75-сэ интыез адӟемъёс 3-тӥ этапе шедё. Нош вань 100 интыосты котыръям муртъёс 4-тӥ этапе выжо. Та шудон-вожвылъяськон пыр потэмъёс пӧлысь быръёзы шаермес дунъясьёсты но данъясьёсты.

Удмурт Дунне
By Удмурт Дунне 14 сентября, 2020 16:15
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<