Можгалан но Глазовын усьтӥськизы удмурт классъёс

Удмурт Дунне
By Удмурт Дунне 11 сентября, 2020 16:45
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Можгалась но Глазовысь школаосын усьтӥськизы удмурт кылэз дышетонъя, шаертодонъя 8 классъёс. Азьланяз соослэн лыдзы будоз.

Туспуктӥз Максим Егоров
Можгалась дышетонъя управленилэн кивалтӥсезлэн воштӥсез Ирина Кузякина, городысь ваньмаз 8 школаосын 326 пиналъёс удмурт кылэн, удмурт калыклэн сям-йылолъёсыныз, шаермылэн историеныз тодматско кружокъёсын но факультативъёсын.
Туспуктӥз Максим Егоров

Кызьы вера Можгалась дышетонъя управленилэн кивалтӥсезлэн воштӥсез Ирина Кузякина, городысь ваньмаз 8 школаосын 326 пиналъёс удмурт кылэн, удмурт калыклэн сям-йылолъёсыныз, шаермылэн историеныз тодматско кружокъёсын но факультативъёсын. Палэнэ уг кылё покчиос но. Удмурт кылъя кружокъёс нуисько 20 нылпи садъёс пӧлысь 19-аз. Со понна Йӧскалык политикая министерство пыр вань методической пособиос но книгаос басьтэмын вал.

— Кылем арын ми туж чырмыт ужамы Можга ёросысь «Удмурт Кенеш» огазеяськонлэн ёзэныз, кенешонъёс ортчытылӥмы, анай-атайёсын вераськылӥмы, — вера Ирина Александровна. — 1-тӥ, 5-тӥ школаосын удмурт кыл нуиське ни ке вал, туэ удмурт классъёс усьтӥмы 9-тӥ, 10-тӥ школаосын. Огъя учконо ке, 4 школаосысь 6 классъёсын удмурт кылэз факультатив амалэн дышето ни. Ваньзы со 1-тӥ классэ ветлӥсьёс. Котькуд классэ ог 25 пинал ветлэ. Уж пӧрмиз ке, вуоно арын удмурт кылэз та классъёсын предмет чотын нуыны малпаськомы.

Со сяна, Можгалан чаклало 1-тӥ школа бордын удмурт гимназия усьтыны.

Озьы ик удмурт кылэз факультатив амалэн дышетыны кутскизы Глазовысь И. Наговицын нимо 17-тӥ школаын. Со 1-тӥ но 2-тӥ классъёсы ветлӥсь 42 пиналъёс. Арлы быдэ удмурт кыл нуиськыны кутскоз выль классъёсын но. Озьы 2025-тӥ арозь татын 156 нылпиос удмурт кылъя тодон-валанъёссэс муромытозы. Азьвыл та школаын удмурт кыллы, культуралы сӥзем урокъёс ортчыло вал 1-тӥ-9-тӥ классъёсын четвертьлы огпол. Озьы ик арлы быдэ радъяськыло удмурт шӧмо ужрадъёс, кытын нылпиос асьсэ быгатонлыкъёссэс возьмато.

— Удмурт классъёс усьтонъ понна трос уж берыктэмын ни, ми тау кариськомы ваньмызлы, кин та бордын тырше. Но милям куронмы эшшо но чурытгес, — вера «Удмурт Кенеш» огазеяськонлэн тӧроез Татьяна Ишматова. — Глазовын но Можгалан кулэ кылдытыны Ижысь К. Герд нимо выллем удмурт гимназиос. Отын вань предметъёсъя мед мур тодон-валанъёс сётозы. Соку гинэ анай-атайёс асьсэ пиналъёссэс удмурт классъёсы нуллыны кутскозы.

— Таӵе классъёсты кылдытыны тужгес но кулэ Удмуртилэн кунлык басьтэмез дырысен 100 ар тырмон дыръя, — вера йӧскалык политикая министр Л. Буранова. — Ижысь К. Герд нимо гимназияын быдэс элькунысь пиналъёс дышетско. Милям потэ, таӵе луонлыксы мед кылдоз пыдлось ёросъёсын улӥсь пиналъёслэн но. Кулэ кылдытыны туала гимназия, отын мед дышетозы кылъёсты но, шаертодонэз но, химиез, математикаез, озьы ик мукет предметъёсты но.

Мария Векшина

Удмурт Дунне
By Удмурт Дунне 11 сентября, 2020 16:45 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<