Кизилиос верало: 28-тӥ куарусён — 4-тӥ коньывуон

Удмурт Дунне
By Удмурт Дунне 28 сентября, 2020 10:02

Така.

Малпамдыя гинэ ваньмыз уз пӧрмы, ныл­пиосты сюл­мась­кытозы, ӵы­жы-выжы­осты доры но ӵемгес вет­­­ло­но луоз. Бадӟым ужъ­­­ёстэс мукет арнялы кель­­­тэ. Эшъёсты мылкыддэс ӝутозы, коньдонэн юрттозы. Ӟеч лэсьтэмды ӟечен ик берытскоз.

Ош.

Вань ужъёс­тэс арня кут­сконын ик быдэстэ, отӥяз пӧртэм могӟетъёс шедёзы. Конь­донэн гер­­ӟаськем ужъёсты радъяськозы. Сакгес луэ 28-тӥ числое, шӧдтэк шо­рысь коньдондэс эн быдтэ. Юртъер котырады утялтӥськондэс но ремонт лэсьтондэс берлолы кельтэ.

Кыктоос.

Арня кутсконын ик малы ке пай­моды яке шумпотоды. Ужа­ны быгатонлыкъёстэс эшъёсты вылӥ дунъялозы, азьвыл тодмоды дуно кузьым лэсьтоз, синмаськисьёс лу­о­зы. Выль уж борды эн
бась­тӥське, нырысь ик йыл­пумъялэ азьвыл мытэмзэ. Дӥсьтӥсь луэ — яратонды вӧзады ветлэ.

Кисло-кусло.

Лушкем малпанъёстэс быдэстоды, кин ке выль
квартира басьтоз. Ӵапак ды­рыз юрт котырады утял­­тӥськыны, вуж арбе­риостылэсь мозмытскыны. Дасяське куно пумитаны. Мугордэс кыдатэ, чылкыт омыретӥ поръялэ.

Лев.

Та арняысен улонды чутрак воштӥськоз. Выль мал­панъ­ёстэс уло­нэ пыӵатоды, тросгес уксё поттыны кутскоды. Документъёсын ужано луоз, кинюртэмдэс чакласькыса пуктэ. Мурт веранъёсты кылзэ, но асьтэя лэсьтэ. Кузь сюрес вылэ потэмдылэсь азьло машинадэс эскере, тазалыктэс юнматэ.

Нылмурт.

Лэсьтэм янгышъёстэс лыдэ басьтыса, выль ужпумъёс пуктэ, коньдондэс лыдъялэ. Арня пумын югдурды тупатскоз, оло, палэнысь коньдон но вуоз. Вормонъёсыныды ушъяськыны, нырысетӥ адӟем муртлы сюлэмдэс усьтыны эн дыртэ — вӧзады кескич но сак адямиос пуко.

Весъёс.

Ужаса жаде­мын. Бадӟым ужъ­ёстэс мукет арнялы кельтэ, нош таяз азьвыл мытэмъёссэ йылпумъялэ. Кылды лэчыт, эшъёстэс курласькоды — ась­тэлы но озьы ик лек вераны быгатозы. Ваньмон дырдэс семьяеныды ортчытэ, дэмен киное ветлэ, магазинъёстӥ ортче.

Скорпион.

Арня кутско­нын сак ка­­­­риське. Эшъёстылэсь эн висъяське, эн лӧптылэ. Выль ужъёс бор­ды усьтыр-табыр кутскись­коды, бӧрысь ӧпкелёно лу­ись­коды. Чидасьгес луэ, муртъёслы эн оскиське. Ар­ня пумын ваньмыз радъ­яськоз. Яратондэс но, оло, пумиталоды.

Ыбылӥськись. Таиз арняды тӥляд. Мал­панъ­ёсты зэ­­малозы, соосты быдэстыны эшъёсты быгатэмзыя юрттӥськозы. Макем тросгес калыкен пу­миськоды, сокем тунсыкогес луоз улонды. Дӥсьтӥсь ка­риське, верам кылдылы кузё луэ. Нылпиостылы тросгес саклык висъялэ, шудэ, урокъ­ёссэс лэсьтыны юрттэ.

Сюро кеч.

Лякыт сю­лэмдэс шӧ­дыса, ваньмыз котырады лю­каськозы: кин ке ачиз понна ужаны косоз, кин ке дышетскыны ыстоз. Тодон-валандэс будэтыны кемалась кулэ ни, сюрес вы­лэ потонлэсь эн кышкалэ. Лушкем малпанъёстэс арня пумын быдэстыны кылдоз но, улонды капчигес луоз.

Ву кисьтась.

Ялан бергась­коды, кыкез понна ужаны тыршиськоды, нош конь­дон­ды уг люкаськы. Арлы­доослэсь верамзэс санэ ӧд басьтэ ке, ужады азинсконъёс уз луэ. Юрттӥськыны мыл­кыд карисьёсты коты­рысьтыды эн уллялэ. Кузпалды кузьым лэсьтоз — дунъ­яны эн вунэтэ.

Чорыгъёс.

Ужъёсты умой мыно, коньдонлы уд ёрме. Куд-ог малпанъёстэс улонын быдэстыны люкетоз кузпалды. Со пумысен ик семьяяды керетонъёс потозы. Кузпалдэс кылзэ, но асьтэя лэсьтэ. Шутэтскон нуналъёстэс огнады но шыпытын ортчытэ.

Удмурт Дунне
By Удмурт Дунне 28 сентября, 2020 10:02
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<