Кизилиос верало: 21-тӥ — 27-тӥ куарусён

Удмурт Дунне
By Удмурт Дунне 22 сентября, 2020 10:27

Така.

Маке борды бась­тӥсь­кемдылэсь азь­ло рос-прос малпаське,
ку­­лэ-а со тӥ­ледлы, ӵыжы-выжыосыныды кенеше. Ваньзэ эскеремды-чакламды бере гинэ уж борды басьтӥське. Коньдондэс шыръяны тырше, шулдыръяськонъёслэсь во­зиське.

Ош.

Ялан калык пӧлын, котькытчы вуиськоды, котьмае тодӥськоды. Мытэм ужъёстэс одно ик йылаз-пумаз вуттыны тырше. Вожъяськисьёс но супыльтыны яратӥсьёс шедёзы, верамъёссэс сюлэмдылы матэ эн басьтэ.

Кыктоос.

Арняды кемалы вунонтэм кылёз, азьвыл аналтыса кельтэм ужъёстэс йылпумъялоды, выль вормонъёс басьтоды. Малпамтэ шорысь вуж тодмоостэс пумиталоды но куное ветлоды. Парикмахерское пыралэ.

Кисло-кусло.

Ужамдэс синйылтозы, вӧзысь эшъёс­ты вормонъёс басьтыны юрттозы. Ӵапак дырыз кузь сюрес вылэ потыны. Узыр адямиосын тодматскоды, эшлыко кусыпъёс тупатоды, соос юрттозы ӟечгес уж шедьтыны.

Лев.

Огдышем сямъя улондэс воштыны эн тырше — пайдаез уз луы. Сюлмаськонъёсты кылдозы, мылкыдды куашкалоз. Юрттэт кулэ луиз ке, ӵыжы-выжыостылы вазиське. Арня пумын ваньмыз радъяськоз, спортын вормонъёс басьтоды, семья кусыпъёсты юнмалозы.

Нылмурт.

Уж утчасьёслы удалтоз. Кинэ ке кузь сюрес вите, солы азьвыл ик дасяське. Семья куспады валамтэос кылдозы, кылзэ воргоронлэсь верамзэ. Ас тодэмдыя эн эмъяське, одно ик эмъясьёс доры вазиське.

Весъёс.

Ялан кинлэсь
ке адӟем ка­риськоды, кыт­чы ке дыртӥськоды, но асьтэлэн но малпанъёсты вань ук. Арня шорын пунэмен коньдон курозы, эн кышкатске, арня пумын берыктозы.

Скорпион.

Интыысьтыды кема вырӟыны выриськоды. Со понна тӥ ваньзэ лад-лад лэсьтӥськоды, соин ик ужамдэс дунъялозы, оло, уждундэс будэтозы. Трос адямиосын пумиськоды, тунсыко иворъёс кылоды. Коньдонэн герӟаськем ужъёсты радъяськозы, семья кусыпъёсты юнмалозы.

Ыбылӥськись.

Мае косо, бы­дэстӥськоды, но кивалтӥсь­тылы со ичи потоз. Тырмоз кыкез понна ужаны, утелэ тазалыктэс, жа­лялэ ваньмон дырдэс. Кивалтӥсеныды керетытозь, шыпыт пуке. Дыр ортчиз ке, ваньмыз радъяськоз. Тросгес чылкыт омыретӥ поръялэ.

Сюро кеч.

Ас ужъёстэс быдэстэм сяна, эшъёсты понна но кыл кутоды. Азьвыл кельтэм ужъёстэс йылпумъялэ. Чыры-пыры сюлмаськонъёс шедёзы. Арня шорысен кутскыса, командировкаосы поталоды, тунсыко адямиосын тодматскоды.

Ву кисьтась.

Маке уж борды басьтӥськем­дылэсь азьло рос-прос кенеше кузпалэныды. Документъёсын, юрт басьтонэн выроды. Арлыдо тодмоостылэсь верамзэс санэ басьтэ. Тазалыктэс эскере, тросгес кӧлэ.

Чорыгъёс.

Огдыре трос уж борды басьтӥськись­коды, нош йылаз-пумаз вуттыны кынарды уг тырмы. Малпанъёсты вошъясько — верам кылдылы кузё луэ. Эшъёстылы оскиське, соос но ваньбур поттыны быгато. Ужаны люкетоз но йырдэс поромытоз яратон.

Удмурт Дунне
By Удмурт Дунне 22 сентября, 2020 10:27
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<