Ижын ортче «Лыдӟиськы, Ижкар!» фестиваль (0+)

Удмурт Дунне
By Удмурт Дунне 4 сентября, 2020 09:52
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

«Городын гужем» фестиваль азьланьтӥське. Таяз арняе Иж пӧрмиз литературалэн шоркарезлы. 4-тӥ-6-тӥ куарусёнэ Шор площадьын трос ужрадъёс ортчозы, книжной ярмарка радъяськоз. Со сяна, Ижысь библиотекаос азбаръёсын но скверъёсын ужрадъёс орчытъяло.

«Читай, Ижевск» огинлэн «ВКонтакте» бамысьтыз

Туэ фестиваль сӥземын Удмуртиысь калыкъёслэн литератураоссылы. 3 арня ӵоже ортчозы писательёсын пумиськонъёс, шара лыдӟонъёс, мастер-классъёс, концертъёс но лекциос. Туэ Иже вуиз Москваысь гожъяськись Валентин Постников — со нылпиослы гожъяське, Карандаш но Самоделкин тодмо геройёслэсь историзэс азьланьтэ.

4-тӥ куарусёнэ 16 часын лыдӟисьёсыныз пумиськоз Удмуртиысь калык писатель Вячеслав Ар-Серги. Ӵуказе Удмуртиысь литература сярысь лекция лыдӟоз тодосчи Алексей Арзамазов (кутсконэз 15 часын). 6-тӥ сентябре Богдан Анфиногенов тодматоз «Удмурт кылбурчи» сборникен (кутсконэз 13.30 часын). Та нуналэ ик 17 часын «Луч» журналлэн литературной премиеныз пусъёзы элькунысьтымы гожъяськисьёсты. Фонтан сьӧрысь гуждор вылын усьтэмын пиналъёслы но анай-атайёслы площадка. Татын ортчылозы квестъёс, Лӧпшо Педунен шулдыръяськонъёс но трос мукетыз.

Нуналлы быдэ Удмуртиысь но палэнысь издательствоос книгаоссэс вузалозы. Пыр-поч программаен тодматскыны луэ фестивальлэн «ВКонтакте» вотэс бамаз: vk.com/chitaiizhevsk.

Виктория Крамова

Удмурт Дунне
By Удмурт Дунне 4 сентября, 2020 09:52