Кызьы ортчозы город Думаосы быръёнъёс

Удмурт Дунне
By Удмурт Дунне 6 августа, 2020 13:53
13-тӥ сентябре быръёнъёс ортчозы Ижкар, Можга, Вотка, Глазов, Сарапул город Думаосы.
Туспуктэм: izh.ru

Шаерысьтымы город Думаосы быръёнъёс дорозь толэзь пала гинэ кылиз на.

13-тӥ сентябре быръёнъёс ортчозы Ижкар, Можга, Вотка, Глазов, Сарапул город Думаосы. Ижысь Индустриальной ёросысь быръёнъёсъя комиссилэн кивалтӥсез Татьяна Герасимова пусъе:

— Депутатэ кандидатъёслэсь быръёнъёсы пыриськонъя документъёссэс кутон йылпумъяськиз 3-тӥ августэ. Быръёнъёсы пыриськыны быгатэ вал 9 огазеяськон. Ваньзы сямен ик асьсэ кандидатъёсэс дэмлазы. Али документъёссэс эскерон мынэ. Та уж 10 нунал ӵоже кыстӥськыны быгатэ. 5-тӥ августлы регистрациез ортчиз 3 партия.

Партилэн списокъёсызъя сяна, быръёнъёсы пырисько нимаз адямиос. Ижкарын одӥг мандатъем округъёсъя депутатэ кандидат луон понна вазиськиз 20 адями. Документъёссэс эскерон озьы ик мынэ на.

Нялтас вераса, город Думаосы сяна, 13-тӥ сентябре куд-ог ёросъёсын ватсаса быръёнъёс ортчозы. Кун Кенеше ватсаса быръёнъёс ортчозы Ижысь Буммаш округъя. Балезино, Глазов, Вавож, Камбарка, Кез, Сюмси, Юкаменск палъёсын ёрос кенешъёсазы ватсаса депутатъёсты быръёзы.

Елена Васильева

Удмурт Дунне
By Удмурт Дунне 6 августа, 2020 13:53
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<