«iВолга» форуме куриськонъёс 20-тӥ пӧсьтолэзёзь кутӥсько

Удмурт Дунне
By Удмурт Дунне 13 июля, 2020 14:20

«iВолга» туэ ортчоз 24-тӥ-28-тӥ гудырикошконэ, пандемиен йырин со радъяськоз онлайн амалэн. Вань пумиськонъёс, семинаръёс, лекциос возьматӥськозы видео пыр ivolgaforum.ru бамын. Форуме пыриськемды потэ ке, куриськондэс лэзёно та баме пырыса ик.

Сӥс пыр ортчыса, форуме 2 сюрс пала егитъёс пыриськозы. Соос дышетскозы 4 ӧръя: «Милям Вормонмы», «Мынам уже (бизнесэ)», «Улон инты», «Наука но туала ужан амалъёс».

Кин ке но форуме дась проектэныз лыктэ, кин ке сое ужрадъёс вискын гожъя. Озьы смена пумын куд-ог малпанъёсты улонэ пыӵатыны грантъёс висъясько. Туэ но тужгес усто проектъёслы уксё сётӥськоз. 

Вераны кулэ, «iВолга» форумез радъя Самара улосвыллэн Правительствоез но Егитъёсын ужанъя федерал агентство.

Мария Петрова

Удмурт Дунне
By Удмурт Дунне 13 июля, 2020 14:20