2 мурт полицие вазиськиз банкысь картаоссы бушамен

Удмурт Дунне
By Удмурт Дунне 13 июля, 2020 15:08

Кылем шутэтскон нуналъёс ӵоже Удмуртиысь 22 мурт полицие вазиськиз банкысь картаоссы бушамен валче. Йыртэмасьёс соослэсь ог 2 миллион манетсэс качаллям.

Юанъёсты кылдо ке, жингыртоно банклэн «пӧсь» телефоназ — солэн номерез пусъемын банк карточкалэн мышказ.
Туспуктӥз Мария Петрова

Кӧня ке мурт Интернет пыр басьяськыса коньдонзэ ыштӥз. Кылсярысь, егит нылмурт кучапи басьтӥз — 31 сюрс 500 манет кыӵе ке счётэ келяз. Нош пуны выль кузё доры ӧз вуы.

Сарапулысь 78 аресъем кышномурт 18 сюрс манетлы
куанермиз. Со куке но пирамидае шедем вылэм. Тодмотэм муртъёс телефон пыр ивортӥллям, азьло ыштонъ-ёсыз понна компенсация тыриське шуыса. Снаряд одӥг гуэ 2 пол уг усьы шуо ке но, капчи узырмонэз возьмась адямиослы та веран уггес тупа.

Оглом кин ке мошенникъёслы 35 сюрс манет келяз, мукетыз 320 сюрс манетсэ кузьмаз.

2 мурт гинэ — Воткинскысь 62 аресъем воргорон но Кезысь 31 аресъем пиосмурт — тодмотэм муртъёсын кема ӧз вераське, телефонзэс кысӥзы. Таин валче быгатӥзы коньдонзэс но, лулсэрзэс но утьыны.

Удмуртиысь МВД тодады вайытэ: нокинлы но эн ивортэ банк картадылэсь номерзэ, пин-кодзэ, смс пыр вуись парольёсты. Та иворез юасьёс асьсэды банкын ужасьёс шуо ке но, вераськондэс куспетӥ каре, телефондэс кысэ. Юанъёсты кылдо ке, жингыртоно банклэн «пӧсь» телефоназ — солэн номерез пусъемын банк карточкалэн мышказ.

________

ЮБЕР КЫШНО

Удмурт Дунне
By Удмурт Дунне 13 июля, 2020 15:08
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<