Яр ёросысь Пудэм черкогуртысь 22 аресъем фермер Денис Снигирёв грант утӥз

Удмурт Дунне
By Удмурт Дунне 23 июля, 2020 12:41
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
Туспуктэм: Яр ёрос администрация
Яр ёросысь Пудэмысь Денис Снигирёв 5 миллион манет грант утӥз.
Туспуктэм: Яр ёрос администрация

Кылем арня вискын «Агростартап» программая Гурт удысъя но сиён-юонъя министерство нош ик 33 муртлы грант люкылӥз. Вормисьёс пӧлын Яр ёросысь Пудэм черкогуртысь 22 аресъем Денис Снигирёв.

«Агростартап» программая грант сётӥське музъем уж борды кутскись муртъёслы. Туэ соос 106 кузя конкурсэ пыриськизы. Вожвылъяськонын вормизы 33 вуоно фермеръёс, соос куспазы 89,1 миллион манетэз люкизы. Тужгес трос фермеръёс кылдӥзы Сьӧлта ёросын – 5 кузя. Быдэн 4 грант утӥзы Сарапулысь но Пичи Пургалась фермеръёс, быдэн 3-ен – Дэри но Алнаш ёросъёсысь. Выль фермеръёс кылдӥзы Вотка, Ува, Каракулино, Шаркан, Яр, Юкаменск, Якшур-Бӧдья но Можга палан. Яр ёросысь Пудэмысь Денис Снигирёв 5 миллион манет грант утӥз.

— Анаеным Екатеринбурге кошким ни вал школаын дышетскыкум ик. Но гурттэк улэме ӧз луы — 2014-тӥ арын атае дӥне берытски, — шуэ Денис. — Музъемтэк уг быгатӥськы мон — ӝокасько. Пудэмысь колхоз куашкам бере 2013-тӥ арын песятае Василий Пантелеевич фермер кариськиз вал. Турынэз но литовкаен-мажесэн утялтӥськомы, скал киын кыскиськомы вал ай. Песятаймы вӧзын атае но фермере потӥз. Али 1 сюрс гектар музъемез кизиськомы, 300 йыр пудо утялтӥськомы. Усть-Лекма но Кузьмапи гуртъёсын фермаос возиськомы. Братэ но фермер, но со мукет гуртын ужа. Соос шоры учкыса, малпай: мынам но фермер луэме потэ. Грант сярысь кылӥ. Ёросысьтымы конкурсэ 4 мурт пыриськиз. Огнам ворми. Табере ферма ӝуто, 46 скал, техника басьто. Пудоме пумен 100 йырозь вутто. Ужась шедьтыны ми палан секыт. Мон конкурслэн куронъёсызъя 3 ужан инты кылдытыны кулэ. Йырме бергатӥсько ай, мар кароно шуыса. Семьяосы скал кыскыны артысь гуртъёсысь но, Ярысь но дояркаосты машинаен вайыло. Мон но озьы ик кароно луо, дыр. Котырамы гуртъёс пичиесь, отчы арлыдоос гинэ на кылемын. Юисез лачак. Егитъёс, гуртын яратэк, городэ кошко. Мон шоры но серекъяса учко: Екатеринбургысь гуртэ берт ай, пе. Нош мыным яра — городын мӧзмыт потэ. Яре корка пуктӥсько. Табере кышно ваёно ни, шуо. Но вазь ай. Нырысь фермер хозяйствоме рос-прос ӝутоно. Семьяосы юрттозы, куашканы уз сётэ. 3 сузэр-вынъёсылы но пример луоно, соос ай школаын дышетско, но музъем ужлэсь палэнэ уг кылё.

Елена Сараматова

Удмурт Дунне
By Удмурт Дунне 23 июля, 2020 12:41 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<