Ялэмын «СМИротворец-2020» конкурслэн усьтӥськемез сярысь

Related Articles

• Удмуртиын ортче «Навыки мудрых» чемпионат 0 27.Фев
• Сьӧлта ёросысь Зямай гурт: Пичи ке но, юн 0 28.Июл
• Шаермылэн сэрегъёсаз: Татын уло бесъёс? 0 02.Июл

«СМИротворец» конкурс радъяське 2008-тӥ арысен Калык кусыпъёсты радъясь Гильдиен. Вожвылъяськон ортче Россиысь СМИ-ос пӧлын.

Туэ со радъяське ини 12-тӥзэ. Та дыр куспын вормисе уно пол потылӥзы элькунысьтымы СМИ-ос, пӧлазы вал «Удмурт дунне» газетысь журналистъёс но.

Конкурс сӥземын калык кусыпъёсты возьматонлы, но туэ нимаз номинация висъямын Быдӟым Вормонлы 75 ар тырмонэз возьматонлы. Ужъёсты но куриськонъёсты кутон дыр — 27-тӥ июльысен 1-тӥ октябрёзь. Соосты келяно электрон почта пыр konkurs@nazaccent.ru адресъя. Йылпумъянъёс лэсьтэмын луозы ар пумозь. Тужгес усто ужъёсты пусъёзы 6 номинациосъя: «Радио», «Печать», «Интернет», «Нылпиослы но егитъёслы чаклам СМИ», «Вормисьёс» (Быдӟым Вормонлы сӥзем материалъёс). Нош ас понназы гожъяськись авторъёслэн ужъёссы — соос нокыӵе СМИ-ын уг тыршо ке — пусйиськозы «Блогъёс» номинациын.

Елена Слащёва