Шӧкыч: Потэ ке но, уг ужа

Удмурт Дунне
By Удмурт Дунне 1 июля, 2020 14:27
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Гуртэ кылемын нылкышноос но пиналъёс гинэ. Пӧлазы одӥг-ог гинэ адӟисько арлыдо воргоронъёс. Бригадире бырйи­зы ожысь чут луыса бертэм Миквор Лёгорез.

Ӵукналы быдэ со боз-боз куараеныз радио пыр вера, кинлы етӥн ишкыны потоно, кинлы скирда люкано. Нош собраниосын, дыльдыез пазяськымон, кесяське, котьмар борды но дэмӟе. Та рад арлыдо Миквор борды кутскиз, ляб ужа, пе.

Бригадирлэн штаниез юбка пасьта, кускытӥз гозыен керттэмын. Нош азяз пичияк кыретэз вань. Шонаськыса вераськон-кесяськонъяз со пасетӥз воргорон «арбериез» тани-тани мычиськоз ини.

Азьпал радын пукись Маниен Насьтӥ тае синйылтӥзы — синъёссы отчы гинэ учко на.

— Потӥз, потӥз, — сипыртэ Насьтӥ.

Бригадир марзэ-созэ уг вала, ялан аслэсьтыз вера. Микворез тышкаське.

— Потэ ке но, умой уг ужа, — нылкышноос пумитэ лек вазе со.

Семьяез будэм…

Лёгор Санколы аслэсьтыз трослы бадӟымгес кышно вайизы. Сюанчиос жингыр карыса вуизы, эмеспилэсь ӧз но юалэ, дась-а со Ослоп Катьырнаен паръяськыны. Анай-атаез шуизы: эсьма, ужась луоз.

Война кутскемлэсь кӧнялы ке гинэ вазьгес вал со. Санко ӝыт шудыны потӥсьёс пала ялан учкылӥз, капка пулэз басьтыса, отӥ пегамъёсыз но вань. Кышнозэ чуланэ кӧлытэ но кельтэ вал.

Война ӧз юа, Санко еж на шуыса. 18 аресэз но ӧз тырмы на вал — ож лудэ нуизы. Катьырнаез синвузэ уськытӥз ик. Нош ожысь пумитаз ни пичи пиналын. Санко нырысь ӧз ваклайты: кызьы озьы ачизтэм дыръя семьяез йылӥз? Но, доразы кылем мӧйы атаез шоры учкыса, ваньзэ валаз…

(Гожтэмын тодэ ваёнъёсъя)

________

КУТЭЙ ЭЛЯ

Удмурт Дунне
By Удмурт Дунне 1 июля, 2020 14:27 Updated