Шӧкыч: Варення но кросс

Удмурт Дунне
By Удмурт Дунне 10 июля, 2020 17:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Косойгуртысь Мила проч шаплы кышномурт. Солэсь котькыӵе уж кышка. Милалэн нимыз гинэ небыт, сямыз — боевой. Мила фермаын осеменатор луыса ужа. Скалъёс но, ошпиос но «Смирно!» кеськемзэ валало.

Дораз но Милалэн ужез пӧзе. Бакча сиёнэз удалтэ: огречез, помидорез, ӵужкушманэз — ваньмыз будэ. Сутэрез-эмезез бускель-ёслы но ӵыжы-выжыослы люкылыны окме. Туэ Милалэн убоысь борыез но удалтӥз. Нырысьсэ кышномурт 5 литръем ведразэ тырмытӥз.

Мила варення пӧзьтыны малпаз. Но бызьылонъяз-ужанъяз борыез сярысь вунэтӥз. Ӵукна сайказ но: эх, варення!

«Ярам, нуназеозь возьмалоз», — буйгатӥз ассэ Мила. Собере ассэ тышкаськиз: нырысьсэ сомында виктория бичай но арам каром шат? Вай, сакырен ке но суралто.

Мила тыпыр-тапыр борызэ сузяз, сакырен сураз но газ плита вылэ пуктӥз. Пӧзьтыса уг вутты, но сакырез коть кӧня ке небӟоз, уже кошкыкум кысо, малпаз кышномурт. Та вискын Мила пудозэ утялтӥз. Коргидысь потонъяз кеськемез кылӥз:

— Милапай! Изид-а, мар-а!

— Эх, шайтан, — тышкаське ассэ Мила, — со борыен йырин. Тани Таня но вуэм ни.

Таня дояркаын ужа. Гужем Милаен ӵош мопедэн фермае ширто.

— Потӥсько! — кеськиз Танялэн пумитаз Мила. Корказ пырыса, дӥсьсэ воштӥз но ужаны дыртӥз.

Варенняез сярысь Мила тодаз вайиз… нуназе.

— Сё, корка ӝуа, дыр.

Ферма дорын сылӥсь велосипедэз синйылтыса, Мила кузёзэ но юаса ӧз улы, гурезь уллань ширтӥз ук — тузон гинэ пурӟе на.
2 иськем кроссэз ортчиз тӧл кадь.

Мила буйгаз, корка азяз вуыса гинэ. Юртъерез быдэс. Варення кострюльысь уртчем, плита кузя тяпыр-тяпыр васькем, выж вылэ но вуэм. Нош баллонысь кыскем газ ӝуаса бырымтэ на. Валамон ни, кострюльлэн тусыз ик кыльымтэ.

Со дырысен Мила борыен варення уг пӧзьты. Басьтӥз
морозильник: кынтэм емышлэн витаминэз тросгес, пе.

________

ШУЛДЫР ОНИСЬ

Удмурт Дунне
By Удмурт Дунне 10 июля, 2020 17:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<