Можгалан ужа удмурт модалы сӥзем «Чильтыр-вальтыр» школа

Удмурт Дунне
By Удмурт Дунне 8 июля, 2020 14:22
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Можга ёросысь «Шунды» огазеяськонлэн ёзэтэз удмурт модалы сӥзем «Чильтыр-вальтыр» школалэсь ужзэ мытӥз.

Проект вордӥськиз кылем арын Можга ёросын Кватчи гуртын ортчем «Чильтыр-вальтыр» фестивальын.
Туспуктэм: «ЧИЛЬТЫР — ВАЛЬТЫР»

Проект вордӥськиз кылем арын Можга ёросын Кватчи гуртын ортчем «Чильтыр-вальтыр» фестивальын. Соку отчы пыриськизы Саранскысь, Ижкарысь, Можгаысь, Пичи Пурга но Можга ёросъёсысь 13 дизайнеръёс. 18 пӧртэм дӥськут коллекция возьматӥзы, дӥськутсы, удмурт, бигер, ӟуч калык костюмъёс вылэ пыкъяськыса, вуремын вал.

— Можга ёросысь гинэ татчы 8 дизайнер ветлӥз, — вераз проектлэн авторез Надежда Сапожникова, — фестиваль бере эшшо вазиськисьёс кылдӥзы, вуоно аре ми но пыриськысалмы, пе. Озьы проектмес паськытатӥм.

«Чильтыр-вальтыр» школаын дизайнеръёс удмурт дэремен ӟечгес тодматскозы. Со понна ветлозы Кватчи гуртысь «Катар» студие, отын 200-лэсь трос вашкала удмурт дэремъёс люкамын. Эскерозы, кызьы соос вуремын, кыӵе буёлъёс кутэмын.

Проект модельёсты но будэтоз. Али Можга ёросын профессиональной модельёсты нокытын но уг дасяло. Юрттоз Можгаысь чеберлыкъя «Калинка» салон, валэктоз, кызьы чебер ветлоно, туспуктэме пуксёно, буяськоно. Со сяна, пӧртэм мастер-классъёс радъяськозы Улын Вишурын, Вуж Каксяын, Березнякын, Поршурын, Пазялын, Кибьяын. Вань мылкыд карисьёс быгатозы уксётӥрлык лэсьтыны, сумка, кускерттон вурыны.

Нош бадӟым «Чильтыр-вальтыр» фестиваль йылпумъянлы пӧрмоз: адӟытонъёс усьтӥськозы, сцена вылын дефиле ортчоз.

— Проект огазеялоз дизайнеръёсты, вуриськыны кутскисьёсты, кибашлыосты. Калык дӥськут но адямиослы матынгес луоз, — шуиз Надежда.

Мария Емельянова

Удмурт Дунне
By Удмурт Дунне 8 июля, 2020 14:22
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<