«Удмуртия» издательство поттӥз «Картинки старого Ижевска» фотокнига

Related Articles

• Выжъёслы — 14 миллиард 0 03.Июл
• Нянез воштэ сӥль 0 01.Фев
• Палэнскы… кечлэсь 0 14.Авг

«Удмуртия» издательствоын потэм «Картинки старого Ижевска» фотокнигаез кутыку, малпаськод: кыӵе тодмотэм но соин ӵош кыӵе тодмо та Ижмы!

Солэн авторез — история наукаосъя кандидат Игорь Кобзев, нош дизайнерез — Александр Фертиков. Фотокнигае XIX–XX дауръёсысь туспуктэмъёс, аспӧртэмлыко кылын гожтэм очеркъёс пыртэмын. Таӵе издание ог 20 ар талэсь азьло потӥз ни вал. Но дыр ортче, малпанъёс воштӥсько, шаерчиос выль документъёсты шедьто. Соин ик улон куриз мукетсэ книгаез дасяны. Фотокнигалэн выльдэм изданияз выль текстъёс но туспуктэмъёс ватсамын. Изданиен тодматскыку, син азе пуксе Ижкарлэн историез, отын улӥсьёслэн улон-вылонысьтызы суредъёс.

Та издание «фотокнига» юнме нимамын ӧвӧл: одӥг вылбам улэ интыямын туспуктэмъёс, малпанъёс, кылбуръёс, вуж документъёс, лыдпусъёс, зэмос учыръёс серемпыр верамъёсын герӟаськемын. Вань иллюстрациос сьӧд но тӧдьы ке но, соос возьмато, Ижкармы котьку но чебер вал шуыса.

Историлэн питранэз бергамен, Ижысь куд-ог тунсыко интыос сярысь адямиос вунэтыны ӧдъязы, куд-ог арлыдо муртъёслэн гинэ тодазы соос уло на. Автор но дизайнер сыӵе интыос сярысь но вунэтӥллямтэ, син шоре пуктыны быгатӥллям.

Георгий Туманов