Удмуртиын азинтӥське сюрес лэсьтон

Удмурт Дунне
By Удмурт Дунне 8 июля, 2020 12:51

Удмуртиын азинтӥське сюрес лэсьтон

Выльдозы ёросъёсысь 19 сюресъёсты
Туспуктэм: udmurt.ru

Кылсярысь, 42 сюресъёслэсь оглюкетсэс – со ог 80 иськем — тупатозы «Кышкыт луисьтэм но ӟеч сюресъёс» национальной проект улсын.

Выльдозы ёросъёсысь 19 сюресъёсты, та нуналлы йылаз-пумаз вуттэмын ни Глазов ёросысь Эгра – Глазов, Глазов – Яр – Пудем, Дэри ёросысь Ижевск – Якшур-Бӧдья но Сьӧлта черкогурт возтӥ ортчись 4 сюресъёс.

Ижкарын туэ 23 сюресъёс волялозы, та нуналлы 5-ез — Холмогоров но Октябрьлы 10 ар ульчаос вискысь Пушкинской урам, Халтурин нимо ульча, Профсоюзной но Раздельный пролкаос, — туала куронъёслы тупамон каремын ни. Ужъёс мытэмын эшшо 14 сюресъёс вылын. Кылсярысь 29-тӥ июньысен лэсьтӥськон техника гуретыны кутскиз шоркарысь Клубной урамын. 2 иськем пала кыстӥськись сюрес вылысь гопъёс ӵошкалозы, пыдын ветлон интыос, ву кошкон дырдыос выльдӥськозы. Кирзаводская ульчаысь сюрес 1960-тӥ аръёсы лэсьтэмын ай, со дырысен рос-прос тупатъямез ӧз адӟылы. Татын ортчымон карозы 700 метрзэ, сюрес дуръёс коляскаен ветлӥсь инвалидъёс сярысь сюлмаськыса быдэстэмын луозы.

Озьы ик йӧнала луозы ветлыны ярантэм 28 сюресъёс но — огъя 130 иськем выльдӥськоз. Кылсярысь, та нуналъёсы тупатэмын Воткинск – Чёрная сюрес вылысь 4 иськем, лэсьтӥськон ужъёс азинтӥсько на 5,3 иськемъем люкетаз. Та сюресэз кылем арын тупатыны кулэ вал, но куазь урод луэмен лэсьтӥськон ужъёсты туэлы выжтӥзы. Та сюрес кузя нуналаз ог 1 сюрс машина ортче — котыр гуртъёсысь улӥсьёс Воткинске ужаны ветло, автобус нылпиосты школае нуэ-вае.

Сергей Захаров

Удмурт Дунне
By Удмурт Дунне 8 июля, 2020 12:51
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<