Удмуртилэн Тӧроез Александр Бречалов вуылӥз Глазове

Удмурт Дунне
By Удмурт Дунне 27 июля, 2020 10:42

Татын со азьветлӥсьёсын но депутатъёсын пумиськылӥз. Вераськон мынӥз Глазовез 2030-тӥ арозь азинтон стратегия сярысь.

Александр Владимирович куриз Глазовысь сюресъёсты, тротуаръёсты, машина пуктылон интыосты тупатъянъя нимысьтыз план дасяны.
Туспуктэм: udmurt.ru

Александр Владимирович тодэ вайытӥз: кылем арын 4-тӥ ноябре Глазовын мытэмын вал Удмуртилэн кунлык басьтэмез дырысен 100 ар тырмонлы сӥзем ужрадъёс. Нош туэ 4-тӥ ноябрьлы дась луыны кулэ ни Удмуртиез 2030-тӥ арозь азинтонъя стратегия. Соя трос выльдӥськонъёс ортчыны кулэ Глазовын но.

— Пандемия сюлмаськон вайиз, но пуктэм ужпумлэсь ми ум куштӥське, — шуиз Александр Бречалов, — Стратегия лэсьтӥське экономика но эпидемиология ласянь югдурез лыдэ басьтыса. Асьмеос туж умой валаны кулэ калыклэсь кулэяськонъёссэ. Тужгес бадӟым шугъяськонъёс борды али ик кутсконо ни. Дасям документ отчёт понна лэсьтэмын медаз луы, лыдэ басьтоно калыклэсь дэмланъёссэ, тупатъяно но выльдоно тужгес кулэ луись объектъёсты.

Тӧро пусйиз на, Глазовын берло дыре ӧжыт уг лэсьтӥськы. Куштӥськем калэ вуэм интыын Горсад кылдӥз, вокзал котыръёс но выльдӥськизы. Но лэсьтоно ужъёс туж трос на. Александр Владимирович куриз Глазовысь сюресъёсты, тротуаръёсты, машина пуктылон интыосты тупатъянъя нимысьтыз план дасяны. Нош со планэз быдэстон борды туэ ик кутсконо луоз.

Елена Миннигараева

Удмурт Дунне
By Удмурт Дунне 27 июля, 2020 10:42
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<