Удмуртилы «Гурт ипотекалы» ватсаса 150 миллион манет висъямын

Related Articles

• Ворттыло вольыт сюресэтӥ! 0 08.Окт
• Шаерысьтымы ужбергатӥсьёс вуылӥзы Партнериатэ 0 27.Мар
• Кӧня манет тыр усёз Кам но Буй шуръёс вамен выжон? 0 01.Авг

Гуртын корка пуктон я юрт басьтон понна 3 процентъем ипотекалы вазиськисьёс шаерамы трос люкаськемен, займ выльысь сётъяны кутскизы.

Удмуртиын 529 семья капчиятэм ипотека басьтыны пӧрмытӥз ни. Оглом талы висъяськиз ог 1 миллиард манет. Нош займлы черодэ султэмын эшшо 4 сюрс котыр адямиос.

Россельхозбанк кредит сётъянэз огдырлы дугдытӥз ни вал, малы ке шуоно Россиысь Гурт удысъя министерстволэн та программалы висъям коньдонэз быриз. Калык куалектӥз: огъёсызлы удалтӥз, милемлы ӧз? Соин ик улосъёс федерал центрез куризы лимитъёсты йылтыны. Москва вань улосъёсты эскериз: кытын кӧня вазиськисьёс, кытын тросгес пуктӥськон мынэ. Бырйиз 5 улосэз, кинлы ватсаса эшшо уксё сётыны луоно. Озьы Удмуртилы та нуналъёсы эшшо 150 миллион манет висъяськиз на. Россельхозбанк капчиятэм ипотекаез выльысь сётъяны кутскиз 15-тӥ июльысен.

Елена Сараматова