Удмуртие реанимация лэсьтонъя 4 выль «скорой» вуиз

Related Articles

• Быдӟым оже бырем Николай Логиновлэсь лысьӧмъёссэ Иже вуттӥзы 0 04.Апр
• 24 час ӵоже ужась удмурт радиостанция, удмурт культурая центр но кун кылъёс сярысь закон 0 24.Май
• Выжы калыкъёслэн «Евровидениязы» мыноз Павел Александров 0 31.Мар

Соос келямын Камбарка, Каракулино, Сарапул, Сьӧлта ёрос больницаосы.

Машинаос басьтыны коньдон висъямын вал Россиысь Правительстволэн резервной фондысьтыз коронавирусэн нюръяськон понна. Озьы Удмуртие 21 машина вуттэмын ни, солэсь азьвыл гинэ шаермы узырмиз 11 «Фордъ­ёсын» но 6 УАЗ-ёсын.

Машинаосын эмъясьёслы кулэ луись тӥрлык ваньмыз вань: дефиб­риллятор, электрокардиограф, шокан аппарат, аспиратор, шуныт возись электрошобрет, омырез чылкытатӥсь рециркулятор.

Ӝоген шаерамы вуозы эшшо 40 машинаос. Таосыз басьтэмын луозы Правительстволэн автопаркысьтыз куд-ог машинаосты вузам коньдонэн.

________

Сергей ЗАХАРОВ