Туэ котькуд гектарысь 22 центнер ю-нянь калтыны чаклало

Удмурт Дунне
By Удмурт Дунне 23 июля, 2020 16:38
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кыӵе урожай басьтомы? Журналистъёслы та сярысь вераз Правительстволэн Тӧроезлэн воштӥсез, гурт удысъя но сиён-юонъя министр Ольга Абрамова.

Пичи Пурга ёросысь «Восход» хозяйство комбайнъёссэ бусые поттӥз ни.
Туспуктэм: Гурт удысъя но сиён-юонъя министерство

Министр пусъемъя, котькуд гектарысь 42-45 центнер урожай калтыны луоно.

— Тамында урожай люканы трос мугъёс люкето: удобрение ичи понӥськомы, жуг-жаг соге. Ваньмыз со ог 20 процентсэ урожаез ыштонэ вуттэ. Со сяна, техника начар — уборка дыръя 15 процентсэ урожаез бусые кельтӥськомы. Асьмеос шорлыдын 17-21 центнер ю-нянь калтӥськомы. Туэ 22 центнер басьтыны чакласькомы. Пичи Пурга ёросысь «Восход» хозяйство комбайнъёссэ бусые поттӥз ни кылем арня пумын ик. Гектарысьтыз ог 26 центнер люкаське, — вера министр.

22-тӥ июльлы хозяйствоосын ог 87 процентэз комбайнъёссы тупатъямын ни. Куазь сётӥз ке, та арня пумын дэмен бусыосы потозы. Ог 21 нунал куспын чакламын уборкаез йылпумъяны. Куазь пӧсь возиськемен, ю-нянь туэ вазь кисьма. Зор туж иназ луизы — шепъёслы будыны юрттӥз.

Хозяйствоос али дасяло складъёссэс, ю куасьтон но шертон комплексъёссэс. 83 процентэз КЗС-ёс выль урожаез куасьтыны дасесь ни. Жаляса пусъёно, ог 70 процентэз вужесь ни, куд-огез воксё мырдэм ужало. Но выльдӥськон борды басьтӥськем хозяйствоос но вань. Кылсярысь, Якшур-Бӧдья ёросысь Тыло но Глазов ёросысь Чура гуртъёсын выль КЗС-ёс ӝуто. Вазь вуись «Неван» сорт йыдыез шертыны дась луозы.

Елена Сараматова

Удмурт Дунне
By Удмурт Дунне 23 июля, 2020 16:38