Туэ Удмуртиын 183 юрт выльдӥськоз

Удмурт Дунне
By Удмурт Дунне 7 июля, 2020 16:31


— Туэ Удмуртиысь 183 объект рос-прос тупатъямын луоз, — ивортӥз Удмуртиысь Лэсьтӥськонъя но улон инты политикая министр Дмитрий Сурнин.

Юртъёс выльдӥсько
Туспуктэм: udmurt.ru

Кылем арын республикаямы выльдэмын 506 объект. 1, 7 миллиард манет тыр ужъёс быдэстэмын. Та быдӟа ужъёс шаерамы кемалась ӧй вал ни, соин лэсьтӥськисьёслы пӧсь йӧтӥз. Ремонт кыстӥськиз дышетскон ар кутскем бере но. Таӵе югдур тодон-валан сётонлы но люкетӥз, трос сюлмаськонъёс кылдытӥз.

Туэ объектъёс ичигес – 183 юрт. Соос пӧлысь 132-аз ужъёс мытэмын ни. 9 юрт тупатъяса вуттэмын. Эшшо 37 объектъя конкурс азинске.
Трос тупатъян ужъёс чакламын больницаосын но поликлиникаосын. 16 учреждение вуоз выль но секыт техника. Сое пуктон понна юртъёсты выльдоно. Оборудование басьтэмын «Тазалыкез утён» нацпроект чотын. Озьы ик ремонт вуоз 15 больницаосы, 1 амбулаторие но ФАП-э.

— 28 школаосын-садъёсын тупатъян ужъёсты мытон понна конкурс но радъямтэ на. Интыысь кивалтӥсьёслы тросгес саклык висъяно та ужлы, арня куспын ивортоно, мар быдэстэмын, — бере кылисьёслы сюло возьматӥз лэсьтӥськонъя министр.

Удмуртилэн Тӧроез Александр Бречалов ватсаз:

— Дышетон но эмъян юртъёслы инвентаризация лэсьтон азьланьтӥське. «Бадӟым ремонт» проектлы уксё арлы быдэ чаклано Удмуртилэн бюджетаз. Азьло араз 120-150 миллион манет висъяське вал. Та коньдон тырмыт ӧвӧл. Нош тупатъяны кутскем объектъёсты интыысь кивалтӥсьёс рос-прос чакласа возьыны кулэ.

Сергей Захаров

Удмурт Дунне
By Удмурт Дунне 7 июля, 2020 16:31
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<