Трактористлы но скал кыскисьлы — подъёмной

Удмурт Дунне
By Удмурт Дунне 15 июля, 2020 09:11
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Гурт хозяйствоосы ужаны лыктэм егит муртъёслы висъяське подъёмной. 1-тӥ июльлы 43 адями юрттэт басьтӥз.

Туспуктӥз Максим Егоров
Подъёмноез быдэсак басьтон вылысь хозяйствоын 3-4 ар ужано.
Туспуктӥз Максим Егоров

Туэ 3,8 миллион манет тыр юрттэт сётӥськиз ни. Нош куриськонъёс 7 миллион манетлы люкаськемын. Лыдпус нуналлы быдэ йылэ.

Подъёмной басьтыны быгато вузэз я училищеез йылпумъяса гуртэ ужаны лыктэм специалистъёс. Азьвыл юрттэтлэн быдӟалаез 200 сюрс манет вал ке, туэ 250 сюрс манет басьтыны луонлык вань. 1-тӥ арзэ ужам бере 70 сюрс манет сётӥське, кылемез висъяське ни 3-тӥ арзэ ужам бӧрсьы.

Со сяна, юрттэт чакламын егит трактористъёслы, скал кыскисьёслы, пудо бызьылытӥсьёслы. Азьвыл соослы 50 сюрс манет висъяськиз ке, табере — 140 сюрс манет. Подъёмноез быдэсак басьтон вылысь хозяйствоын озьы ик 3-4 ар ужано.

Выплаталы правозы вань 36 аресозь егит муртъёслэн. Со понна вазиськоно Гурт удысъя но сиён-юонъя министерствое. Пинал специалистъёс понна валтӥсь курон: басьтэм специальностьсыя ужаны кулэ. Мукет ужасьёслы сыӵе чурытэсь куронъёс пуктэмын ӧвӧл.

Туэ подъёмнойёслы оглом 29,6 миллион манет висъяны чакламын. Кылем арын Удмурт Элькунлэн бюджетысьтыз та понна висъяськиз 23,7 миллион манет, юрттэт басьтӥз 279 мурт.

Елена Сараматова

Удмурт Дунне
By Удмурт Дунне 15 июля, 2020 09:11 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<