Татьяна Ишматова вера яратоно книгаосыз сярысь

Удмурт Дунне
By Удмурт Дунне 21 июля, 2020 16:40
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Удмурт калык выжыкылъёс (0+).
Пичи дыръям лыдӟылэм бадӟым книга али но син азям пуксе. Мон, со книгаез лыдӟыса, кӧшкемыт уйвӧтъёс адӟисько вал, дорын огнам кыльыны кышкасько вал. Укыр впечатлительной-а, мар-а вылӥськем… Соин анае та книгаез мынэсьтым ватыса возе вал.

Виктор Драгунский «Денискины рассказы» (0+).
Пичи дыръям В. Драгунскийлэсь веросъёссэ туж яратӥсько вал. Дото серемесь пото вал, уката но «Шишки» нимоез. Серекъято вал Николай Носовлэн веросъёсыз но.

Николай Мусалимов «Живи, родник, живи» (6+).
Берло дыре авторъёс ӵем кузьмало мыным асьсэлэсь книгаоссэс. Мон соосты соку ик лыдӟисько. Николай Николаевичлэн автобиографиез сӥземын вордскем гуртэзлы, кудӥз, жаляса верано, али ӧвӧл ини. Автор быдэс улон сюресэз, эшъёсыз но улонысьтыз учыръёс сярысь туж пыр-поч гожтэм. Шӧдӥське адямиосты гажамез. Огшокчемен лыдӟи та книгаез.

Татьяна Кибардина «Шуныт липет улын» (6+).
Книгае пыртэмын авторлэн семьяез сярысь тодэ ваёнъёсыз, вань апайёсызлэн, агаезлэн но нэнэезлэн гожтэм кылбуръёссы, пьесаос, проза. Туж шуныт мылкыд кылдэ, вашкалаысен туала вакытозь кыстӥськись выжыен тодматскыса. Тодмо адямиослэсь малпанъёссэс лыдӟыны туж тунсыко!

Елизавета Бабанова «К дзену на шпильках» (16+).
Асьме вакытэ вӧлмизы улонэз радъяны юрттӥсь тренингъёс, вебинаръёс, коучингъёс… Та удысысь туж каньылэн но пайдаен лыдӟи «К дзену на шпильках. Как создать новую жизнь и дело мечты с нуля» книгаез. Чебер кылын гожтэмын, лыдӟыку мае ке умойзэ лэсьтыны но улонэз пайдаё пала выж-
тыны мылкыд ӝутске.

Удмурт Дунне
By Удмурт Дунне 21 июля, 2020 16:40 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<