ПоддЕРжка паськыта

Удмурт Дунне
By Удмурт Дунне 30 июля, 2020 14:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Пандемия кутскем бере ик уно огазеяськонъёс калыклы юрттыны кутскизы.

Дэбес ёрос администрация, ужбергатӥсьёс, волонтёръёс 111 адямилы юрттӥзы ни.
Туспуктэм: Молодёжный центр «Вертикаль» «ВК» группаысь

Коронавиурсэн сэрен шуге-леке сюремъёслы «#ПоддЕРжка» проект улсын сиён-юон, эмъюм люкылӥзы. Акция Удмуртиын паськыт вӧлмиз. Кылсярысь, Дэбес ёрос администрация, ужбергатӥсьёс, волонтёръёс 111 адямилы юрттӥзы ни.

— Милемлы ӵемгес вазиськыло арлыдоос, — вераз волонтёр Александр Вахрушев, — 16 кузя ужаськомы, Дэбестӥ гинэ ум ветлӥське, гуртъёсы но потаськомы. Али самоизоляция ортчиз ни но, трос уг ни жингыръяло, асьсэос магазинэ потало.

Нырысь проект улсын сиён-юонэн, эмъюмен коробкаос гинэ сётъязы вал, но бӧрысь валамон луиз, калыклы мукет но юрттэт кулэ шуыса, кылсярысь, юртъер котырысь ужез быдэстыны арлыдоослэн кужымзы уг тырмы.

Соин ик али «#ПоддЕРжка 2.0» выль проект быдэсъяськыны кутскиз. Куронъёсын вазиськыны яра 8 (3412) 23-28-00 телефонъя 8.30 часысен 17.30 часозь. Акция борды итӥськизы «Мы Вместе» проектэ пыриськись егитъёс но. Магазинысь, аптекаысь товар ваем сяна, волонтёръёс дорысь ужез но быдэстыны юрттозы: пересьёслы укно миськозы, пу дасялозы но мукет…

Мария Емельянова

Удмурт Дунне
By Удмурт Дунне 30 июля, 2020 14:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<