Пичи Пурга ёросысь Гожнялась 77 процентэз улӥсьёс быръёнэ пыриськизы

Related Articles

• Ваньмыз шонер лэсьтэмын 0 12.Дек
• Скаллы но теплицалы коньдон 0 24.Янв
• Удмурт азьветлӥсьёс люкаськизы Пичи кенеше 0 09.Ноя

Конституцие воштонъёс пыртон понна куара сётыны дырто Пичи Пурга ёросысь Гожня гуртын улӥсьёс но. Быръёнъя 25/25 участокын чузъясько шулдыр удмурт кырӟанъёс. Куара сётыны лыктӥсьёс одно ик маска поно, кизэс антисептикен пазьго, одӥг муртлы гинэ чаклам ручка куто.

— Участокамы 595 улӥсьёс куара сётыны быгато. 1-тӥ июле 13 часлы 456 мурт мылкыдзэ вераз ни. Оглом 77 процентэз бырйисьёсмы Конституцие воштонъёс пыртон понна куаразэс сётӥзы ни, — вераз 25/25 участоклэн тӧроез Екатерина Богданова.

Быръёнъя комиссиын ужасьёс берло 6 нунал ӵоже ӵыдэтсконэз ӧз тодэ. Бырйисьёсты, куара сётонэ ӧтьыса, телефонэ пыр но ивортылӥзы, доразы но поталлязы.
Гожня гуртын куара сётыны мыло-кыдо лыктӥзы мӧйыос но шоро-куспо аресъем улӥсьёс. Сюлмаськонъёс кылдо пинал калык пумысен. Тросэз соос уж яке экзамен вылэ чӧлско. Мукетъёсызлэн прописказы гуртын, нош асьсэос городын уло но ужало, соин таӵе улӥсьёс референдумлэсь палэнэ кылё. Гожня калык та нуналэ пыриськыны быгатӥз «Светлое село» проект понна куара сётонэ но.

Алёна Скворцова

Туспуктэмез авторлэн