Пичи Пурга ёросысь Баграш-Бигра гуртын ас киынызы ӝутӥзы «Даур шыкыс» музей

Удмурт Дунне
By Удмурт Дунне 7 июля, 2020 11:17
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Пичи Пурга ёросысь Баграш-Бигра гурт шорын ик тужгес адскымон интыын туала коттеджлы укшась корка ӝужаз — шаертодонъя «Даур шыкыс» музей. Та юртэз биграос но орлойёс вемеен 4 ар куспын ӝутӥзы. Алигес со «ДаУР» элькун вожвылъяськонын 350 ӵектэм тунсыко интыос пӧлын 4-тӥ луиз.

Пичи Пурга ёросысь баграш-биграос музейзэс 4 ар куспын пуктӥзы.
Туспуктэм: «Баграш Бигра» муниципал кылдыттлэн ВК бамысьтыз

Музейын туалаез вашкалаеныз огазе биниськемын. Татысь ӝажыос вылын трос пӧртэм вашкала арбериос сыло, мукет ласянь, ваньмыз со туала, калыклы тунсыко луымон каремын. Тани выльдэм, буям шыкыс сылэ. Отын чибориё, яркыт куэм
шобретъёс, выж лёгетъёс утисько. Ӝажыос вылын сыло песьтэръёс, кутъёс, самоваръёс, бусыын ужан тӥрлык, борддоръёс кузя ошылэмын чильпам, куэм ӵушконъёс. Котькуд арбери кузёезлэсь шунытсэ уте, котькудӥзлэн аслаз историез. Татын ик возьматэмын Бигра воршудлэн пус-кышетэз, отын кӧня ке выжыослэн пусъёссы пуктэмын — гуртоос асьсэ выжыоссэс утчаны трос аръёс ӵоже выро ини. Калык син азе поттэм унозэ арбериосты, ог 300-зэ, музейлы кузьмаз гуртысь кибашлы воргорон Николай Соколов. Татысь ик адӟыны луэ солэн зарни киосыныз лэсьтэм ог 10 дӧдьыослэсь, уробоослэсь пичиятэм копиоссэс, вӧй пачкатон станокез, тылпу кысон машинаез. Пиналъёслы бергатыны, учкыны ярато тӧл вукоез. Со кисьтэм-басьтэм «Лудорвай» музейын кадь ик. Николай Павлович сое улӟытыны но быгатӥз, нимысьтыз механизм лэсьтыса.

Н. Соколов трос аръёс ӵоже лэсьтӥськон удысын тыршиз, нош пенсие потыса, шаертодонэн тунсыкъяськыны ӧдъяз.

— Огвакытэ асьме ёросысь ик Вуж Мӧньяысь кибашлыос доры вуылӥ, мар гинэ уг лэсьто вылэм отысь усточиос, воксё пайми, — вера Н. Соколов. — Табере вуж мӧньяосты дорамы куное ӧтёно кариським. Нош ми мае возьматом? Озьы ар куспын асьме корка котырысь, мукет интыосысь трос арбериосты азбарам люкай. Соосты учкыны Пургалась но, Ижысь но адямиос вуылыны кутскизы. Арбериослы нимаз инты кулэ, малпай. Озьы музей усьтон сярысь малпан вордӥськиз.

Гурт старостаен Анатолий Матвеевен ӵош вань гуртооссэс бадӟым уже ӝутӥзы. Пичиез но бадӟымез быгатэмзыя ужаны ветлӥзы: Пугачёво черкогуртысь нюлэс хозяйстволэсь тэк сылӥсь
юртсэ вайизы, музейлы фундамент кисьтӥзы, пуш ужъёссэ быдэстӥзы. Кезьыт яке пӧсь, зоро яке шундыё, одӥг нуналэз но кельтытэк, музей лэсьтонын тыршиз ачиз Николай Соколов. 4 ар куспын огъя кужымен чебер, 2 этажъем синмаськымон корка гурт шорын ик ӝужаз.

________

Ангелина СНИГИРЁВА

Пичи Пурга ёросысь Баграш-Биграысь
кибашлы, шаерчи Николай Соколов:

________

— «Даур шыкыс» музеймес Удмуртилэн кунлык басьтэмез дырысен 100 ар тырмонлы сӥзем аре вуттыны быгатӥм. Йылаз-пумаз вуттымтэ музеямы но кӧня адямиос вуылӥзы ни, ваньзы паймизы, синмаськизы. Соин оскисько вал, «ДаУР» элькун конкурсын калык милемлы куаразэ сётоз шуыса.Улон азьланьтӥськемъя вашкалаосын кусыпез ыштыны уг яра. Со понна ик музеймы но ужалоз, со дышетоз будӥсь нылпиосмес историез, калык культураез гажаны.

«Гурт, кытын улэ Шӧртчи» проектэз
одӥгез радъясь Яна Зайцева:

________

— Музей Пичи Пурга ёрос библиотекалэн «Гурт, кытын улэ Шӧртчи» проектэзлэн туристической маршрутэз улсын ужалоз. Огаз сэрегын нылкышно дӥськутъёсын, ужъёсын тодматозы, мукетаз туспуктэмъёсын вошъяськись адӟытон ужалоз, луозы библиотека но шутэтскон инты. Музейлэн ужаз быдэс гурт пыриськоз. Гуртоос асьсэ доразы куноослы пӧртэм мастер-классъёс возьматозы: удмурт дэрем вурыны, черсыны, сиён пӧраны дышетозы.

Удмурт Дунне
By Удмурт Дунне 7 июля, 2020 11:17
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<