Пичи Пургаысь 1-тӥ школаын «Шудкар» смена ужа

Удмурт Дунне
By Удмурт Дунне 13 июля, 2020 13:44
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

12-тӥ июле усьтӥськизы город вӧзысь но школаосысь лагерьёс. Пичи Пургаысь 1-тӥ школаын «Шудкар» смена ужалоз. 13-тӥ-17-тӥ июле отын шутэтскозы ёросысь пиналъёс.

Туспуктӥз Нина Верещагина

— Сменамы туэ 3-тӥзэ ортчоз ини, — вераз лагерез радъясь, Пичи Пургаысь 1-тӥ школаысь удмурт кылъя дышетӥсь Нина Петровна Верещагина, — азьло дорамы вуыло вал Пурга вӧзысь гуртъёсысь пиналъёс гинэ, туэ мылкыд карисьёс кылдӥзы Пуро, Кечол, Бобья-Уча палъёсын.

Нина Верещагина адӟем кариз Дэри ёросын радъяськись «Шудкар» сменалэсь, отчы быдэс элькунысь пиналъёс ветло, школалэн интернатаз уло. Нош Пичи Пурга школаын таӵе луонлык ӧвӧл, соин ик анай-атайёс пиналъёссэс нуналлы быдэ татчы нулло.

— Монэ кемалась шугъяськытэ ини, школаямы пиналъёс удмурт кылын вераськыны возьдасько шуыса, — вераз Нина Верещагина, — ӵапак соин нюръяськон понна та смена борды басьтӥськи. Туэ аспӧртэм эскерон ортчытэме потэ. Мынам вань удмурт кылэз 3 ар дышетӥсь пиналъёсы, соос уроке арняяз 1 пол гинэ ветло, анай-атайёссы ӟучесь. 5 кузя ветлозы лагере, мыным кулэ валаны, юрттэ-а лагерь пиналъёслы, янгышъёссылэсь возьдаськытэк, удмурт кылын вераськыны, 5 нунал ӵоже выль кылъёсты тодозы-а,
вераськемез валалозы-а?

Котькуд ар смена пӧртэм удысъёслы сӥзиське: проектирование, шаертодон, удмурт сям-йылолъёс… Туэ 6-тӥ-9-тӥ классын дышетскись пиналъёс дышетскозы видео лэсьтыны, тодматскозы журналистлэн уженыз.

— Лагерьмы июне ик ортчыны кулэ вал, — вераз Нина Верещагина, — но коронавирусэн сэрен татчыозь ваньмыз валантэм, али но шуо, оло, арнялы бергес «Шудкарез» ортчытоно луоз.

Школаын мукет шугъяськонъёс но вань — дезрас-творъёс, антисептикъёс вуымтэ. Нош лагерь умой-умой мед ужалоз шуыса, соосын классъёсты но миськоно, киосты но пазяно.

Пиналъёслы кулэ луоз маскаосын ветлыны, ин­фек­ционной висёнъёсын ӧз пумиськылэ шуыса справка басьтыны.

Со сяна бадӟым шуг-секытъёс ӧвӧл, пусъе Нина Пет-ровна, дистанциез чакласа, столовойын сиськыны пӧрмоз, угось лагерьын 30 нылпи гинэ, нош столовой 120 муртлы чакламын. Вань ужрадъёсты азьло но педлон, пичи классын пукытэк, ортчытъяны выризы.

— Быдэс ар ӵоже пиналъёс юаллясько, луоз-а туэ лагерь. Мӧзмо. Мон понна со тодмет: соослы татын кельшиз, азьланяз но озьы ик ужано, шуг-секытъёс шоры учкытэк, — шуиз Нина Верещагина.

________

Мария ЕМЕЛЬЯНОВА

Удмурт Дунне
By Удмурт Дунне 13 июля, 2020 13:44
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<