«Огъя Россия» партилэн городъёсысь Думаосы депутатъёсты быръён азьын конференциез ортчиз

Удмурт Дунне
By Удмурт Дунне 23 июля, 2020 11:20
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

«Огъя Россия» партилэн городъёсысь Думаосы депутатъёсты быръён азьын конференциез ортчиз

13-тӥ сентябре элькунысьтымы 5 городъёсысь Думаосы депутатъёс быръемын луозы. Талы дасяськыса, 17-тӥ июле Ижын ортчиз «Огъя Россия» партилэн Удмуртиысь ёзэзлэн 33-тӥ конференциез.

«Огъя Россилэн» ёзчиосыз бырйизы город Думаосы депутатэ кандидатъёсты
Туспуктэм: udmurt.er.ru

Конференцие пыриськем делегатъёс юнматӥзы партилэсь быръёнъёс азьын программазэ. Удмуртилэн Тӧроез, «Огъя Россия» партилэн Удмуртиысь ёзэзлэн секретарез Александр Бречалов пусйиз: программа дасямын вал, адямиослэсь куронъёссэс лыдэ басьтыса.

— Асьмелы ужано калык понна но калык сярысь малпаськыса, — вазиськиз Александр Владимирович делегатъёслы. — Депутатлы лыдпусъёс вылэ пыкиськоно ӧвӧл, ӟеч тодоно югдурез, адӟоно, мар калыкез сюлэмшугъяськытэ. Ноябрь толэзёзь дасяломы на Удмуртиез азинтонъя 2030-тӥ арозь план. Котькуд адями мед тодоз, кыӵе воштӥськонъёс ортчозы но ку соосты возьмано. Ужмы сярысь калык мед тодоз: депутатъёслы быдэстэм ужзы сярысь араз 2 пол ке но отчёт лэсьтылоно, калыкен пумиськылыса но соцсетьёсы гожтыса.

Программа сярысь делегатъёслы пыр-поч мадиз Ижлэн йырыз Олег Бекмеметьев.

— Азьвыл сямен ик, юн сюлмаськыто сюресъёс, — вераз Олег Николаевич. — Берло дыре нимысьтыз саклык висъяськомы тротуаръёслы, больницаос, нылпи садъёс, школаос но мукет социальной юртъёс дорозь нуись сюресъёслы. Ышыге уг кыльы экономика но. Выль ужан интыос кылдытоно, покчи но шоро-куспо бизнеслы юрттоно. Экономикаез ӝутонъя план дасямын, пандемия дыръя кылдэм шуг-секытъёсты лыдэ басьтыса, нацпроектъёсты улонэ пыӵатон сярысь малпаськыса.

Иж город Думалэн 7-тӥ ӧтчамаз 35 депутат быръемын луоз. 25 адями — одӥг мандатъем округъёсъя, 10-эз — партиослэн списокъёссыя. Конференция дыръя «Огъя Россия» партилэн делегатъёсыз, куаразэс лушкем сётыса, партилэсь кандидатъёссэ юнматӥзы. Партилэн списоказ пыртэмын 28 мурт. Соосты валто Ижкарлэн йырыз Олег Бекмеметьев, 16 номеро школалэн директорез Жанна Таранникова но Удмуртиысь Биатлонъя федерацилэн кивалтӥсез Иван Черезов. Ӵектэм список праймериз амалэн май толэзе быръемын вал. Таӵе система гань-гань кариськыны уг сёты, партия пушкын вожвылъяськон кылдытэ, пусйиз Удмуртиысь Кун Кенешлэн Тӧроез, партилэн Генсоветэзлэн ёзчиез Владимир Невоструев:

— Праймериз ортчытыса, тужгес оскымон, кужмо муртъёсты бырйимы. Кандидатъёс пӧлы пыризы пӧртэм удысъёсын ужась адямиос. Озьыен, элькунысьтымы югдурез котыр ласянь адӟиськомы, — вераз Владимир Невоструев.

Одӥг мандатъем округъёсъя кандидатъёс быръемын вал электронной амалэн куара сётон дыръя. Та списокез но делегатъёс огкылысь юнматӥзы.

— Улон воштӥське, партилэн активез выльдӥське, — вераз Олег Бекмеметьев. — Быръёнъёсы пыриськись команда кылдӥз, воштӥськонъёсты чакласа. Кандидатъёс пӧлысь тросэз та дорозь депутатъёс ӧй на вал. Ваньзы соос — мыло-кыдо адямиос, быгатӥсь кивалтӥсьёс, ӟеч ужъёсты мытӥсьёс.

Кандидатъёс юнматэмын, но шутэтскыны дыр ӧвӧл. Владимир Невоструев шуэ: али трос гаджетъёс, но соцсетьёс пыр гинэ ужано ӧвӧл. Калыкен азбаръёсын, предприятиосын пумиськылоно — партилэсь ужпумъёссэ адямиос дӥне вуттыны та устоез амал луэ.

Виктория Крамова

Удмурт Дунне
By Удмурт Дунне 23 июля, 2020 11:20