«Лыдӟиськы, Удмуртия!» вожвылъяськонлы йылпумъянъёс лэсьтэмын

Удмурт Дунне
By Удмурт Дунне 21 июля, 2020 09:07
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Удмурт Элькунлэн 100 ар тырмонэзлы сӥзьыса, «Удмурт дунне» газет но Удмуртиысь Писательёслэн огазеяськонзы ортчытӥзы «Лыдӟиськы, Удмуртия!» вожвылъяськон.

Таӵе книгаос витё вормисьёсты.
Туспуктӥз Вера Штыкова

Конкурслэн ӟуч но удмурт люкетэз вал. Одӥгез — удмурт лыдӟисьёслы, мукетыз — республикаямы ӟуч кылын потӥсь чеберлыко литератураез лыдӟисьёслы. Конкурсэ вуэм ужъёсты лыдӟыны туж тунсыко вал! Огласянь, валамон, вормисьёс пӧлын удмурт кыллы но литературалы дышетӥсьёс, библиотекарьёс, филологъёс. Мукет ласянь, соослэсь бере ӧз кыле скал кыскисьёс, зоотехникъёс, воспитатель-ёс. Тау, туж мусо, сюлмысь потэм гожтэтъёсты понна! Шумпотӥськом, тросэз, юанъёслы валэктон утчаса, книгаосты бугыръяны кутскиллям, чеберлыко литератураез нош ик лыдӟыны ӧдъяллям. Ярам ай, пе, самоизоляция вакытъёс тупазы.

Нырысь чакламын вал 3 вормись бырйыны. Но валамон луиз, куд-ог ужъёс сокем ӟеч лэсьтэмын — устоосыз пӧлысь устооссэ висъяны уг луы! Озьыен, «Лыдӟиськы, Удмуртия!» конкурсын вормисе потӥзы 13 кузя: Балезино ёросысь Ушур гуртысь Ф. Перевощикова, Можга ёросысь Удмурт Пычас гуртысь Николай Емельянов, Алнаш ёросысь Чем-Куюк (Тыло) гуртысь Елена Смирнова, та ёросысь ик Ляли гуртысь Евгения Гусоргина, Пичи Пурга ёросысь Гожня гуртысь Раиса но Владимир Герасимовъёс, Дэри ёросысь Юськи гуртысь Пётр Давыдов, Балезино ёросысь Исаково гуртысь Татьяна Захарова, Кез ёросысь Александрово черкогуртысь Нина Лекомцева, Можга ёросысь Мельниково гуртысь Тамара Петухова, та ёросысь ик Ломеслуд гуртысь Галина Щербакова, Шаркан ёросысь Зюзя гуртысь Марина Григорьева, Дэри ёросысь Изгурт школаын дышетскись Полина Селиверстова, Ува ёросысь Выль Мултан гуртысь Елена Афанасьева.

Конкурслэн ӟуч кылын вариантэз секытгес вал. Куд-ог юанъёслы валэктон сётыны ӧй быгатысалзы, дыр, асьсэос но писательёс. Озьы ке но ваньзэ шонер лэсьтӥзы: Глазовысь дышетӥсьёсты дасясь институтысь студентка Лилия Ившина, Шаркан ёросысь Ляльшур гуртысь Ольга Фролова, Ижкарысь Ольга Едомина, Ижкарысь Сергей Бехтерев.

Вань вормисьёс басьтозы кузьым — туала авторъёслэн кинюртэмъёсынызы книгаосын комплектъёс но нимысьтыз таукаронъёс. Вормисьёсты
сӥё-дано пусъён луоз сӥзьыл. Нуналыз но дырыз ивортэмын луоз. Куриськом «Удмурт дунне» газетлэн редакцияз 8-951-19-53-765 номеръя жингыртыны но асьтэ телефон номердэс ивортыны.

Конкурсэ пыриськем тужгес пичиез лыдӟись луиз Алнаш ёросысь Писэйгурт школаысь 5-тӥ классын дышетскись София Фёдорова. Жюри сое но пичи синпель кузьымен пусъёно кариськиз.

Тау кареммы потэ вормонозь ӝыны яке одӥг балл гинэ тырмытымтэ лыдӟисьёслы. Тани соослэн нимъёссы: Пичи Пурга ёросысь Улын Юри гуртысь Зоя Коновалова, Кияса ёросысь Вуж Салья гуртысь Алевтина Степанова, Кияса ёросысь Подгорное черкогуртысь Наталья Соколова, Дэри ёросысь Пероггуртысь Борис Боталов, Шаркан черкогуртысь Елена Ложкина, татысь ик Алевтина Лебедева, Татарстанысь Кукмор карысь Роза Исеева, Балезино ёросысь Маркогуртысь Любовь Чиркова, Башкортостанысь Вукогуртысь Анна Байдуллина, Балезино каргуртысь Ольга Першина, Балезино ёросысь Вӧёгуртысь Надежда Корепанова, та ёросысь ик Ягошур гуртысь Галина Лекомцева. Удмурт книга лыдӟон мылкыдды ноку медаз пуксьы!

Удмурт дунне

Удмурт Дунне
By Удмурт Дунне 21 июля, 2020 09:07
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<